1 Tuisa 16:3 - Ritonõpo Omiry: A Bíblia Sagrada na língua Aparai do Brasil

³ Naeroro oenahkãko ase, oekyry tõ maro, Jeropoão enahkatopõpyry samo.

1 Tuisa 16:3 ပူးပေါင်းရင်းမြစ်များ

1 Tuisa 14:10

Morara tyrise oya exiryke popyra ehtoh enehpõko ase oya xine. Opoenõ te, apakomotyã roropa emero orutua kõ etapãko ase, nuasemãkomo, tamuhpomãkõ roropa. Oekyry tõ enahkapõko ase, toto tumehnõko ase okyno ety samo.

1 Tuisa 14:11

Oekyry tõ toorihse ahtao pata rãnao, ekepyrykõ mã kaikuxi nonyryme exĩko. Ona po toorihse toto ahtao kurumu tõ nonyryme exĩko. Ywy, Ritonõpo morara ãko ase,’ tykase.”

2 Tuisa 9:9

Akape tõ rĩko ase tuisa Jeropoão Nepate mũkuru ritopõpyry sã ya, tuisa Paasa Aia mũkuru ritopõpyry sã roropa ya.

Izaja 66:24

Moromeĩpo tutũtase ropa toto ahtao pata poe aorihtyã ekepyry enẽko mã toto, toorihse aexityã jomihpyry omipona pyra toehse toexirykõke. Mokaro ekepyry onenahkehpyra moromoro exĩko mana, orihpyra roropa mã toto, moroto apoto mokaro zahkatoh ezehpyra roropa mana. Moro eneryke: ‘Xe! Jam,’ ãko mã toto, nuriame eya xine exiryke.” Ywy, Ritonõpo, oturuase.

Jeremia 22:19

Ekepyry tonẽsẽme exĩko jumẽtu zonẽtoh samo toorihse ahtao; tytywyhmasẽme exĩko ematohme jarãnaka pata Jerusarẽ omõtoh ae.”