1 Tuisa 12:16 - Ritonõpo Omiry: A Bíblia Sagrada na língua Aparai do Brasil

¹⁶ Morarame tonetupuhse Izyraeu tõ ahtao tõmirykõ onetara tuisa exiry poko, tykohtapitose toto: — Tuisame pyra Tawi pakomotyã mana jekyrỹpyã maro! Oty kurã tyrise eya xine kypoko xine? Ehmaropa, Izyraeu tomo, tapyi taka ropa! Ah Ropoão nosepynanohno! Morara exiryke toytose ropa toto tytapyĩkõ taka.

1 Tuisa 12:16 ပူးပေါင်းရင်းမြစ်များ

2 Samueu 15:13

Mame omi enehne tooehse Tawi zuruse: “Izyraeu tõ emero omũkuru, Apisarão maro toehse,” tykase.

2 Samueu 16:11

Mame ynara tykase Tawi Apisai a typoetory esamo a roropa: — Mãkara umũkuru ro nymyry, jetapary se toehse. Ahtao oty katoh osenuruhkãko hano mose ro Pẽjamĩ pary jetapary se ahtao isaaro? Naeroro mose ro onerekohmara ehtoko. Ah ykerekeremano Ritonõpo omi poe exiryke morara tyrĩko mana.

2 Samueu 20:1

Mame moroto nexiase tuisame se exikety, esety Sepa. Pikiri mũkurume kynexine, Pẽjamĩ parỹpyry. Rueimo totose eya, oximõme toto ehtohme, tykohtase roropa opore ynororo: — Tuisame pyra mokyro Tawi mana, kuesẽkõme pyra roropa! Morara exiryke atapyĩkõ taka ytotoko ropa Izyraeu tomo! tykase.

1 Tuisa 11:11

Ynara tykase ynororo eya: — Jomiry omipona pyra oexiryke, ynyripohpyry omipona pyra roropa oexiryke, tuisame oehtoh enahkapõko ase. Omyakamãko ase toiro opoetory ke.

1 Tuisa 11:13

Mame emero pyra Izyraeu tõ puxihkãko ase ewinoino. Toiro oxiekyrymãkõ nomõko ase imaro ypoetory Tawi pyno jehtopõpyryke, pata Jerusarẽ tymenekase ya exiryke roropa jesaryme.

1 Tuisa 11:34

Yrome tuisame aexiry onupuxihkara ase aporo Saromão winoino. Tuisame exikehpyra tyripõko ase orihpyra ro ynororo ahtao. Morara tyrĩko ase ypoetohpyry Tawi, ynymenekahpyry pokoino. Jomiry omipona kynexine, ynyripohpyry omipona.

1 Tuisa 11:35

Tuisame aehtoh puxihkãko ase Saromão mũkuru winoino, 10me zokonaka ekarotohme oya,

1 Tuisa 11:36

yrome toiro zokonaka oxinomõko ase Saromão mũkuru maro jũme Tawi pary nae jehtohme tuisame pata Jerusarẽ ynymenekahpyry po jeahmatohme.

1 Tuisa 11:39

Saromão rypyry pokoino Tawi pakomotyã wãnohnõko ase, yrome jũme pyra.”

1 Tuisa 22:17

Mame ynara tykase Mikaia eya: — Izyraeu tõ soutatu tõ enẽko ase sapararahme ypy tõ poro kaneru tõ samo tosẽke pyra. Mame ynara tykase Ritonõpo Kuesẽkomo: “Moxiã tosẽke pyra mã toto; ah nytõ toto tosaka xine ropa, osetapara ehtohme,” tykase.

1 Tuisa 22:36

Xixi omõsasaka ahtao, ynara tyripose Izyraeu soutatu tomo a: — Ononorykõ pona, apatarykõ pona ytotoko ropa emero porehme, tykase.

2 Koronika 10:16

Morarame tonetupuhse Izyraeu tõ ahtao, tõmirykõ onetara tuisa exiry poko, tykohtase toto: — Tuisame pyra Tawi nase, jekyry tõ maro. Otyme kure tyrise eya xine kypoko xine? Ehmaropa, Izyraeu tomo, tapyi taka ropa! Ah Ropoão nosepynanohno! Morara exiryke toytose ropa toto tytapyĩkõ taka.

Saumu 132:17

Taro toiro Tawi pary rĩko ase tuisa imehxo, taro roropa ynymenekahpyry poenõ jũme tuisame tyripõko ase.

Saumu 76:10

Oxiehno ahno ahtao ro toahmasẽme exĩko mase itamurumehxo; tõsetapakehse toto ahtao, orihpyra exiketõ oseahmãko mã toto oeahmaryme.

Porowepio 15:1

Zehno exikety ezukuruhtao tomeseke samo zehno hkopyra exĩko mana, yrome õmiry ke jamihme ezukuruhtao ihtomapõko sã mase.

Izaja 7:17

— Orohmanohpotohkõ enehpõko Ritonõpo Kuesẽkõ oya mana, tuisa, oekyrykomo a te, opoetory tomo a roropa. Morara tyrĩko mana Axiria tuisary enehporyke eya. Mame orohmanohpotorỹko mana popyrahxo, Juta tõ apiakatopõpyry poe Izyraeu tõ maro.

Izaja 7:2

Mame zuaro toehse Juta tõ esẽ Akaze ahtao Xiria tõ oehtoh poko Izyraeu tõ nonory pona osepeme Izyraeu tõ maro, tõserehse ynororo Juta tõ maro emero. Tykytyky tykase toto wewe sã itu htao tyryrykane ke.

Jeremia 33:21

Moro saaro ynetapohpyry ypoetory Tawi a onytyoromasaromepyra ase. Naeroro ipary exikehpyra exĩko tuisame, jũme. Ynetapohpyry roropa urutõ komo, Rewi ekyry tomo a, onytyoromasaromepyra ase, jũme erohkehpyra mã toto ypoetoryme Ytapyĩ tao.

Ezekieu 37:16

— Ahno mũkuru, wewe pipahmã apoiko ynara imerotohme ipokona: “Juta tõ nonory epõkõ maro.” Mame imepỹ wewe pipahmã apoiko roropa ynara imerotohme ipokona: “Izyraeu tõ nonory, epõkõ maro.”

Maku 3:24

Morararo pata tamuru põkõ oseosetaparyhtao, osenahkãko rokẽ mã toto.

Ruka 19:14

— Morarame imehnõ ipataõkõ tosẽkõme ise pyra toh kynexine. Zehno toh kynexine. Ahno tonyohse eya xine ĩkapo, ynara katohme: “Mose se pyra ynanase yna esẽme,” katohme repe.

Ruka 19:27

Mame seromaroro moxiã yzehnotokomo, tosẽkõme jexiry satokõkara, enehko toto xiaro ya. Etapatoko toto yneneryme,” tykase esẽkomo, tykase Jezu eya xine.

João 13:8

— Upupuru kurikary se pyra ase oya, yna esẽme oexiryke, tykase Peturu eya. — Yrome opupuru onukurikara jahtao, ypoetoryme pyra mase, tykase Jezu eya.

Juize 8:35

“Kure mase” kara roropa toh kynexine Kiteão tomo a. Tuenikehse toto emero Kiteão nyrihpyry poko kure Izyraeu tõ ritopõpyry poko eya.

Juize 9:28

Mame ynara tykase Kaau orutua komo a: — Apimereke kutuisarykõ kara mokyro. Xikẽ põkõme sytatose. Mokyro Kiteão mũkurume mana. Pata esẽ Zepuu aomipona toehse nase. Yrome ipoetory kara sytatose. Hamoa kytamurukõme mana, Xikẽ zumy, ipakomotyãme sehtone.