1 Tuisa 11:28 - Ritonõpo Omiry: A Bíblia Sagrada na língua Aparai do Brasil

²⁸ Jeropoão erohkety nymyry nexiase, nuaseme roropa. Mame aerokuru eneryke Saromão a tuisame tyrise ynororo eya, topehke pyra erohketõ esẽme, emero Manase nonory poe aehtyã te, Eparaĩ nonory poe aehtyamo roropa, enara.

1 Tuisa 11:28 ပူးပေါင်းရင်းမြစ်များ

Jenexi 47:6

Ejitu nonory emero toto esaryme nase. Osa ekaroko eya xine Kosẽ po kure exiryke, moroto toto ehtohme. Mame tuaro mase, orui tõ maro emese kure exiketõ nae ahtao, tyriko toto jeky tõ pui poko erohketõ tuisaryme.

2 Samueu 19:20

Zuaro ase, ynyrihpyry azahkuru nexiase ipunaka. Morara exiryke seroae oya oehno osemazuhme Izyraeu tõ esary poe oseporyse amaro.

1 Tuisa 11:26

Imepỹ roropa tuisa Saromão epeme pyra toehse, esety Jeropoão, Nepate mũkuru, Zereta pono, Eparaĩ nonory po. Saromão poetory tuisaryme kynexine ynororo. Jeny pytỹpo kynexine, esety Zerua.

1 Tuisa 14:7

Ytoko ropa Jeropoão zuruse: “Ynara ãko Ritonõpo Izyraeu tõ Esẽ oya: ‘Omoro tymenekase ya, Izyraeu tõ rãnao awahtao, tuisame oehtohme Izyraeu tõ esẽme.

1 Tuisa 5:16

Mokaro erohketõ tuisaryme 3.300me tymenekase eya erohketõ esãme ehtohme.

Porowepio 22:29

Kure rokẽ toerokuru poko exikety waro hma? Imehnõ tuhkãkõ motye kure ynororo mana, kure exiry tuisa konõto maro aerohtohme.

Izaja 14:25

Axiria põkõ enahkapõko ase Izyraeu tõ nonory po. Toto tũtũmãko ase ypy tõ po ynonory po. Ypoetory tõ pynanohnõko ase axirio tõ namotome pyra toto ehtohme, onyrohmanohpopyra axirio tõ ehtohme.

Amoxi 5:6

Osehtoko ropa ya Oesẽkomo a isene oehtohkõme. Oehpyra ropa awahtao xine yhtõko Ritonõpo mana apoto samo Izyraeu tõ nonory enahkatohme. Moro apoto onezehkasaromepyra exĩko mã toto Peteu po.

Zakaria 10:6

Ynara ãko Ritonõpo Oesẽkõ mana: “Jamihme Juta tõ tyripõko ase. Izyraeu tõ pynanohnõko ase. Toto pyno jexiryke toto enehnõko ropa ase imehnõ nonory tõ poe, imehnõ namotome toto ehtoh poe. Ymaro osepeme exĩko ropa mã toto, toto onurumekapitopyra jehtopõpyry samo, Ritonõpome jexiryke toto Esẽme. Toto ezuhnõko ase aotururukohtao ya.

Mateu 11:30

Oeremanohporykõ ya tupime pyra mana oya xine. Jomipona oexirykõ zohzohme exikety puimary sã oya xine mana, tykase Jezu eya xine.

Teuteronomiu 1:12

Yrome toiroro ãpiakasaromepyra xine ase atae pyra oehtohkõ poko.

Jozue 18:5

Nono apiakãko mã toto 7me zokonaka ehtohme. Juta tõ tosarykõ po exĩko mã toto, ikurenae te, Joze pakomotyã roropa tosarykõ po exĩko inikahpozakoxi.