1 Tuisa 11:18 - Ritonõpo Omiry: A Bíblia Sagrada na língua Aparai do Brasil

¹⁸ Mame toesyryhmase toto Mitiã poe, toytose toto Parã pona. Moroto imehnõ tõximõse toto maro. Morotoino toytose toto Ejitu pona oturuse tuisa a. Mame Ejitu tuisary a nono tokarose Hatate a, tapyi roropa, tonahsẽ roropa.

1 Tuisa 11:18 ပူးပေါင်းရင်းမြစ်များ

Jenexi 14:6

horeu tõ, Seia ypy tõ po, enara. Mokaro tokahmase eya xine, totapase toto osema ae Eu-Parã pona, ona ehpio pona, ahno esaka pyra.

Jenexi 21:21

Mame jeny a nohpo tymenekase, Ejitu pono, ipytyme.

Jenexi 25:2

Toemũkuase ynororo 6me: Zinirã te, Jokosã te, Metã te, Mitiã te, Ixipake te, Sua, enara.

Jenexi 25:4

Mitiã toemũkuase: Epame te, Epeame te, Enokeme te, Apitame te, Eretame, enara. Mokaro emero Ketura pakomotyãme toh kynexine.

1 Tuisa 11:17

Hatate rokẽ, jũ poetory tõ maro, toepase Ejitu pona. Morara ahtao Hatate poetome ro kynexine.

1 Tuisa 11:19

Mokyro maro Hatate osepeme toehse. Naeroro tuisa a typyty akorõ tokarose eya, Tapane akorony, Hatate pytyme ehtohme.

Exutu 2:15

Mame zuaro toehse Ejitu tõ esẽ ahtao Moeze nyrihpyry poko, etapary se toehse ynororo, yrome toepase Moeze Ejitu poe Mitiã pona, moroto ehse. Jetoro, Ritonõpo maro oturuketyme kynexine Mitiã po. Tõxike kynexine ynororo 7me, nohpo tomo. Morarame Moeze typorohse kynexine tuna eutary pũto. Mokaro nohpo tõ tooehse tuna anỹse toky tõ ohpatoh pehkatohme, kaneru tõ ohpatohme poti tõ maro, tumykõ eky tomo.

Apakuke 3:3

Ikurenae Etõ nonory poe Ritonõpo toehse, ypy Parã poe toehse Ritonõpo Kurano. Kapu typehkase mana saereme aehtoh ke, eahmãko sero nono põkõ mã toto, emero porehme.

Numeru 10:12

Moro ae Izyraeu tõ toytopitose ona Xinai poe. Mame moro akurũ totypohse ona Parã po.

Numeru 22:4

Tõturuse Moape tõ mitianita tõ tamuximãkomo a, ynara tykase toto: — Senohne emero kuomye xine enahkãko mokaro imoihmãkomo, onahpoty enahkary samo pui orutua a. Mame moapita tõ tuisary, Parake a

Numeru 25:14

Mokyro esety, totapase aexihpyry mitianita maro Ziniri nexiase, Saru mũkuru, tamuxime exikety Ximeão ekyryme.

Numeru 25:18

Popyra ehtoh tonehse eya xine opona xine, oenekunopyrykõke aarorykohtao tyneponãmarykõ eahmatohme Peoa po. Tonekunohse roropa mexiatose Koxipi poko, mitianita tuisary ẽxiry. Tuose ynororo nexiase tyrohsẽ toehse ahtao, moroto ypy Peoa po.

Numeru 25:6

Imoihmãkõ maro Moeze xitãko nexiase Ritonõpo Tapyĩ omõtoh ẽpataka. Mame nohpo mitianita tonehse Izyraeume exikety a tytapyĩ taka Moeze tõ neneryme.

Teuteronomiu 1:1

Sero pape ao Moeze oturutopõpyry tõ mana, inekarohpyry Izyraeu tõ netaryme ona po, tuna Joatão poe xixi tũtatoh wino. Moroto Izyraeu tõ nexiase Joatão jakanahmã po, pata Supe pũto. Xia pata Parã nexiase, mya ynara pata tõ nexiase: Topeu te, Rapã te, Hazerote te, Ti-Zaape, enara.

Teuteronomiu 33:2

Ritonõpo noepyase ypy Xinai poe; Etõ epozakoxi tõnuhse ynororo xixi samo. Saereh tykase ynororo typoetory tõ pona, ypy Parã poe. Inenyohtyã 10 miumãkõ imaro tooehse. Emary pũto apotunuru wino apoto zemime exikety nexiase.