1 Tuisa 11:15 - Ritonõpo Omiry: A Bíblia Sagrada na língua Aparai do Brasil

^15-16 Pake, apitoryme, Etõ põkõ typoremãkase ahtao Tawi a, Joape soutatu tõ esẽ toytose morotona aorihtyã ekepyry zonẽtohme. 6me nuno taropose eya tysoutatu tõ maro Etõ po. Mame moroto toto ahtao Etõ põkõ orutua kõ totapase eya xine emero porehme.

1 Tuisa 11:15 ပူးပေါင်းရင်းမြစ်များ

Jenexi 25:23

mame ynara tykase Ritonõpo eya: “Awakuru ao opoenõ kamaramãkõ ahno tamurume exĩko mã toto. Emũkuãko mase kamarame, oxise pyra exĩko mã toto. Toiro omũkuru orẽpyra exĩko mana. Osemazupuru poremãkapõko akomihpyry mana,” tykase Ritonõpo eya.

Jenexi 27:40

Atatapoĩko mase imehnõ maro osewomatohme, isene oehtohme. Ãkorõ poetoryme exĩko mase. Morararo typenekehse awahtao ãkorõ namotome oehtoh rumekãko mase.

2 Samueu 8:13

Morarame tuisamehxo Tawi ehtoh tokãtose eya xine aepyry ropa ahtao, 18 miume etomita tõ totapase ahtao eya, jakanahmã Sautu po.

2 Samueu 8:14

Mame ãpuruhpyry tõ jamihme exiketõ tyripose Tawi a Etõ po, typoetoryme etomita tõ ehtohme. Orẽpyra Tawi tyrise Ritonõpo a emero pata tõ pona aytoryhtao.

1 Tuisa 11:14

Morarame Ritonõpo poe Hatate, Etõ tuisary ekyry Saromão epekara toehse.

Saumu 108:10

Ritonõpo, onoky jarõko nae pata jamihmã taka, towomase ahtao apuru konõto ke? Onoky jarõko nae Etõ pona?

Saumu 60:1

Ritonõpo, turumekase yna oya, typoremãkase roropa ynanase oya. Yna zehno mexiase, yrome seromaroro eramako ropa yna a!

Numeru 31:17

Seromaroro mokaro mũkuru tõ emero etapatoko, nohpo tõ maro emero orutua maro toehse aexityamo.

Numeru 31:7

Mame Ritonõpo nyripohpyry Moeze a omipona tõsetapase toto mitianita tõ maro; orutua kõ totapase eya xine emero porehme.

Teuteronomiu 20:13

Mokaro ekarõko Ritonõpo mana oya xine. Orutua kõ etapatoko emero porehme,