1 Tuisa 10:22 - Ritonõpo Omiry: A Bíblia Sagrada na língua Aparai do Brasil

²² Wapu tõ nae Saromão kynexine, Hirão wapu tõ maro ytoketomo. Oseruao jeimamyry taropose ahtao ikanary wapu tõ tooehse ropa ahtao, uuru tonehse, parata, maafim, arimi tomo, meku tomo, enara.

1 Tuisa 10:22 ပူးပေါင်းရင်းမြစ်များ

Jenexi 10:4

Jawã pakomotyã Erisa tomo te, Expania tomo te, Xipere tomo te, Rote tomo, enara.

1 Tuisa 10:18

Tuisa apõ konõto tyripose Saromão a uuru kurã risemy maafim maro.

1 Tuisa 10:21

Eukuru ẽtoh emero Saromão tapyĩ tao uuru risẽme kynexine. Ikyryry Wewe Ripano tapyĩ tao emero uuru risẽme kynexine. Parata poko pyra toh kynexine, Saromão tuisame ahtao, typyne pyra parata exiryke eya.

1 Tuisa 22:48

Mame Etõ nonory põkõ tutuisaryke pyra toh kynexine. Juta tõ tuisary nymenekahpyry rokẽ toto kowenatume kynexine.

1 Tuisa 22:49

Tuisa Josapa a wapu tõ konõto tyripose Opia pona ytotohme uuru enehse. Yrome toetoromase toto Eziõ-Kepea po. Ytopyra tokurehse toto.

1 Tuisa 9:26

Wapu tõ roropa tyripose Saromão a Eziõ-Kepea po Erate pũto, tuna Akapa ehpio, Etõ nonory po.

2 Koronika 9:21

Wapu tõ nae nexiase Saromão, Hirão wapu tõ maro mya ytoketomo Expania pona roropa. Oseruao jeimamyry taropose ahtao toipe wapu tõ tooehse ropa ahtao, uuru tonehse, parata, maafim, arimi tomo, meku tomo, enara.

Jo 39:13

“Awexituruze aporiry tõ pohpoh ãko mã toto axĩ sã repe. Yrome onuhsaromepyra mã awexituruze tomo, sekonia sã pyra mana.

Saumu 48:7

wapu ao ytoketõ samo, wapu konõto ao tomase ahtao pohkane konõto a, tyryrykane jamihme exikety maro.

Saumu 72:10

Expania tuisary tõ, ahmõta tõ tuisary roropa tynekarorykõ enehnõko mã toto eya, mokaro roropa Arapia tuisary te, Etiopia tuisary roropa tynekarorykõ enehnõko mã toto eya.

Izaja 2:16

Wapu tõ konõto nerymapõko mana kanawa tõ kurã potu roropa.

Izaja 23:1

Ynara tykase Ritonõpo Tiro põkõ poko: Oxitatoko wapu aõkomo, tuna konõto po, pata Tiro tonahkase exiryke! Tapyi tõ pyra toehse, opyi wapu tõ myhtohme, ahno tõ otyritoh tonahkase. Morohne poko metatose ahmõta Xipere po awahtao xine.

Izaja 23:10

Expania po aosesarityamo, erohtoko otupikõ poko, tuna Niro ehpiõ po tiriiku arykananõ samo, okyryryme opyi wapu tõ myhtoh, tonahse exiryke.

Izaja 23:6

Penixia põkomo, oemynyhmarykõme oxitatoko! Epatoko Expania pona.

Izaja 60:9

Wapu tõ moro, moe nono tõ poe oehnõko; inunõ osemazuhme Ritonõpo poetory tõ enehnõko mã toto tosaka xine. Uuru enehnõko parata roropa ekarotohme Ritonõpo Izyraeu tõ Esẽ Kurano a tynekarorykõme. Kure rokẽ typoetory tõ ripõko mana imeimehnõ nonory põkomo a.

Izaja 66:19

Toto rãnaka tuisamehxo jehtoh enetupuhpotoh rĩko ase. — Mame tapiakase toto ahtao ya, isene ro exiketõ aropõko ase, emero pyra, imeimehnõ nonory põkomo a, moe exiketõ pona juaro exipitopyra exiketomo a, yjamitunuru onenepitopyra exiketomo a roropa. Toto aropõko ase Expania pona, Ripia pona, Ritia pona roropa, emese kure pyrou ekomananõ moroto mana. Ytõko roropa mã toto Tupau pona te, Kerexia pona roropa. Mokaro ahno a emero yjamitunuru poko toto zurũko mã toto.

Ezekieu 27:12

— Mosepekatyase Expania po omõkomory tometakãmase oya xine parata ke, kurimene ke, exitanio ke, xũpu ke, enara.

Ezekieu 27:15

Rote põkõ tõsepekahse amaro. Omõkomory topekahse tuhke nonory tuna konõto ehpio põkomo a maafim ke te, wewe epano ke, enara.

Amoxi 3:15

Tapyi tõ enahkãko ase: ikonopory tapyi tomo, jeimamyry tapyi tõ roropa; tapyi tõ typyne exiketomo, maafim risẽ emeporyme exiketõ emero porehme enahkãko ase. Ywy, Ritonõpo, oturũko ase.

Jona 1:3

Mame Jona tãtakimase repe, yrome toepase ynororo Ritonõpo winoino. Ytopyra ynororo toehse pata Niniwe pona. Toytose ynororo Jope pona, tuna konõto ehpikoxi. Moroto wapu tonese eya Expania pona ytokety, ytosasaka nexiase. Toytotoh topehmase eya, tõtyrise wapu aka ynororo toytotohme wapu aõkõ maro Expania pona myahxo Ritonõpo winoino repe. “Otarame jenepyra Ritonõpo mana wapu ao jahtao xinukutume exiryke moro ao,” tykase Jona otarame.