1 Tuisa 10:18 - Ritonõpo Omiry: A Bíblia Sagrada na língua Aparai do Brasil

¹⁸ Tuisa apõ konõto tyripose Saromão a uuru kurã risemy maafim maro.

1 Tuisa 10:18 ပူးပေါင်းရင်းမြစ်များ

1 Tuisa 10:19

Moro tuisa apõ 6me onuhtoh nae kynexine. Toiro onuhtoh asakoro reão panõ nae kynexine etyhpyry tõ po. Atapona 12me reão tõ panõ kynexine. Ĩpary poko pui orutua zupuhpyry panõ kynexine. Apory apõ poko asakoro reão panõ kynexine. Moro panõ exipitopyra kynexine tuisa apõme imepỹ nonory po.

1 Tuisa 10:22

Wapu tõ nae Saromão kynexine, Hirão wapu tõ maro ytoketomo. Oseruao jeimamyry taropose ahtao ikanary wapu tõ tooehse ropa ahtao, uuru tonehse, parata, maafim, arimi tomo, meku tomo, enara.

1 Tuisa 22:39

Imehnõ tuisa Akape nyrityã, itapyĩ konõto ehtoh poko, maafim ke enekure tyrise, pata tõ roropa inyrityã poko tymerose pape pokona esety Izyraeu tõ Tuisary tõ Ehtopõpyry.

Saumu 110:1

Ritonõpo Kuesẽkõ ynara tykase jesemy a: “Oporohko japotunuru wino oepetõkara poremãkatohto ya, anamotome toto ehtohme.”

Saumu 122:5

Taro zae ehtoh apiakãko tuisa tõ mana, taro Izyraeu tõ tuisary roropa typoetory tõ apiakãko mana.

Saumu 45:6

Tuisame oehtoh, Ritonõpo nekarohpyryme oya, jũme exikehpyra mana. Zae rokẽ erohnõko mase tuisame oehtoh poko.

Saumu 45:8

Ixtaratu kurã nae nase oupõ poko, mira te, aroe tomo, enara. Eremiatoh etõko mã toto onetaryme tuisa tapyĩ tõ konõto tao, maafim ke emeporyme.

Ezekieu 27:6

Wewe karawario tonehse Pasã poe apukuita tõ ritohme, azarã tõ tyrise pinijo ke Xipere poe, emepory tyrise wewe pokona maafim maro.

Amoxi 6:4

Popyra ehtoh oehnõko oya xine mana myhene! Otuhtoh konõto sehxo matose, kohrame sehxo roropa matose porohtoh typyne exiketõ po, pui mũkuru pũ õnõko matose te, kaneru pũ roropa.

Epereu 1:3

Ime aexiry saerehkane sã mana. Ritonõpo ime exiry saaro ime aexiry mana ipunaka. Mame Ritonõpo ime exiry enepõko mana sero põkomo a. Tyjamitunuru ke tynyrityã onenahkapopyra mana. Morarame sero põkõ rypyry korokaxĩpo kỹporohne kapu ao, tuisamehxo, Ritonõpo maro. Emero esẽme Ritonõpo mana.

Epereu 1:8

Yrome Tumũkuru poko ynara tymeropose Ritonõpo a: “Ritonõpome mase. Tuisame oehtoh exikehpyra mana jũme. Zae oexiryke ipunaka tuisa kurãme mase.

Apokaripxi 18:12

Morohne onepekahpyra mã toto, uuru, parata, topu kurãkomo, kasuruimo te, kamisa karimutumano te, kamisa kurã ezuezumano, kamisa typyne exikety te, kamisa tahpirẽ roropa, wewe kurano te, maafim risemy, wewe kurã risemy, metau risemy, kurimene risemy, topuimo risemy, (maamore risemy).

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.