1 Tuisa 10:10 - Ritonõpo Omiry: A Bíblia Sagrada na língua Aparai do Brasil

¹⁰ Mame tuisa Saromão a tynenehpyry tõ tokarose eya; uuru 4 miu kiru motye te, emepory tõ itamurume te, joia tomo, enara. Moro panõ, Sapa tuisary nekarohpyry Saromão a, moro panõ onenehzomopyra ropa toehse.

1 Tuisa 10:10 ပူးပေါင်းရင်းမြစ်များ

Jenexi 43:11

Mame ynara tykase jũkomo: — Imenekatoh pyra exiryke ynara tyritoko. Kynekarorykõ arotoko saku ao ekarotohme eya. Kykyryrykõ kurã aroko taroino: pausamu pitiko te, ano zeni pitiko te, ixtaratu kehko te, noze tõkehko te, amẽtoa, enara.

1 Tuisa 10:2

Tymaro typoetory tõ tuhke tonehse te, kameru tõ roropa tynenehke tuhke emepory tõkehko, tonahsẽ tomepore ritoh ke te, joia tomo te, uuru itamurume, enara. Mame tõseporyse tahtao Saromão maro tõturupose ynororo emero tõsenetupuhtoh poko.

1 Tuisa 9:14

Uuru, 4 miu kiru motye taropose Hirão a Saromão kyryryme.

Saumu 68:29

Atapyĩ Jerusarẽ po, morotona tynekarorykõ arõko tuisa tõ mana,

Saumu 72:10

Expania tuisary tõ, ahmõta tõ tuisary roropa tynekarorykõ enehnõko mã toto eya, mokaro roropa Arapia tuisary te, Etiopia tuisary roropa tynekarorykõ enehnõko mã toto eya.

Saumu 72:15

Ah mokyro tuisamã isene exikehpyra nexino! Ah uuru nenehpõ toto eya Arapia poe! Ah noturũ toto Ritonõpo a ipoko kokoro rokene, kure rokẽ tyripotohme eya, jũme!

Exutu 30:34

Mame ynara tykase Ritonõpo Moeze a: — Ixtaratu zahkatoh tyriko ykyryryme kurano tyriry waro exiketõ nyriry samo. Ynara zoximako oxisamo: pẽjoĩ te, onika te, azawa opime exikety te, ixtaratu kurano. Sautu tyriko roropa imaro kure rokẽ ehtohme.

Porowepio 20:15

Uuru nae itamurume topu tõ kurã roropa; yrome õtururu tuaro oehtoh poko moro kure kuhse mana, typyne exikety motye.

Ekereziaxti 2:8

Uuru roropa apoiase parata maro ikurãkatohme ykyryryme, tuisa tõ tinerũ poe te, kowenatu tõ poe roropa. Eremiaketõ nae exiase orutua komo, nohpo tomo eremiatohme ynetaryme. Nohpo tõ nae exiase ypenetatoh pune.

Mateu 2:11

Mame tapyi taka toytose toto. Moro tao enurusenã tonese eya xine tyse enao, Maria enao. Mame tosekumurukõ po typorohse toto Jezu ẽpataka, “Kure mase imehxo” katohme tyya xine eya. Mame typakarãkõ ae tynekarorykõ touse eya xine ekarotohme eya. Uuru te, ixtaratu te, imepỹ ixtaratu mira roropa, enara touse kehko eya xine tynekarorykõme eya.

Apokaripxi 21:11

Saereme nexiase, Ritonõpo ezuru ke. Zemime sã nexiase osene tuhkã samo, topu kurã typyne exikety jasape samo, kyrixtau akusasame exikety samo.