1 Tuisa 1:53 - Ritonõpo Omiry: A Bíblia Sagrada na língua Aparai do Brasil

⁵³ Mame turui Atonia tonehpose, okyno zahkatoh apõ poe. Tooehse ahtao, tosekumuru po typorohse ynororo tuisa ẽpataka “Imehxo mase” katohme. Mame ynara tykase Saromão eya: — Ytoko atapyĩ taka.

1 Tuisa 1:53 ပူးပေါင်းရင်းမြစ်များ

2 Samueu 1:2

Mame yrokokoro orutua tooehse Sauu tõ esahpyry poe. Toemynyhmary enetupuhpotohme tupõ tyxihkase eya, nono tyrise tupuhpyry pona roropa eya. Toytose ynororo Tawi a. Mame tosekumuru po typorohse ynororo Tawi ẽpataka. Tõmyty nono pona tyrise eya “Imehxo mase” katohme Tawi a.

2 Samueu 14:24

Yrome ynara tykase Tawi: — Ah nytono tytapyĩ taka, esary pyra mana ytapyĩ tao, mokyro enery se pyra jexiryke. Naeroro tytapyĩ taka toytose Apisarão. Tuisa enese ytopyra tokurehse ynororo.

2 Samueu 14:28

Mame asakoro jeimamyry taropose Apisarão a Jerusarẽ po. Yrome tumy onenepyra nexiase.

2 Samueu 14:33

Naeroro toytose Joape oturuse Tawi maro. Moromeĩpo Apisarão tonehpose tyya Tawi a. Tooehse ahtao tosekumuru po typorohse ynororo Tawi ẽpataka “Tuisa imehxo mase,” katohme. Mame typohse ynororo jumy a.

1 Tuisa 1:16

Mame tosekumurukõ po typorohse Pate-Sepa tuisa ẽpataka “Imehxo mase,” katohme eya. Tõturupose tuisa a eya. — Oty se hma? tykase.

1 Tuisa 1:31

Mame tosekumuru po typorohse Pate-Sepa, tuisa ẽpataka: — Tuisa Tawi, jũme isene oexiry se ase, tykase.

1 Tuisa 1:52

Mame Saromão ynara tykase: — Zae exiketyme ynororo ahtao, jomiry ekarõko ase, Ritonõpo netaryme onuãnohpyra ase, yrome tyyrypyhpyke ahtao, zae ehtoh se pyra ahtao, oorihnõko mana.

1 Tuisa 2:1

Morarame Tawi orihsasaka ahtao tumũkuru Saromão turuse eya. Ynara tykase:

1 Tuisa 2:36

Moromeĩpo Ximei tonehpose tyya tuisa Saromão a. Ynara tykase ynororo eya: — Tapyi amoko taro Jerusarẽ po, taro rokẽ oehtohme, sero pata poe ytopyra oehtohme.

Porowepio 24:21

Aimo, Ritonõpo Kuesẽkõ enetupuhko, aomiry omipona exiko. Kure rokẽ tuisa konõto tyriko roropa. Osepeme pyra exiko tuisa myakãmary se exiketõ maro,