1 Samueu 9:3 - Ritonõpo Omiry: A Bíblia Sagrada na língua Aparai do Brasil

³ Mame Kixi eky tõ tõtuenikase nexiase, jumẽtu tomo. Morara exiryke ynara tykase ynororo tumũkuru Sauu a: — Aimo, toiro ypoetory aroko amaro jumẽtu tõ zupise, tykase.

1 Samueu 9:3 ပူးပေါင်းရင်းမြစ်များ

Juize 10:4

Tumũkue toehse ynororo 30me, tokyke imũkuru tõ kynexine 30me jumẽtu tomo, toky tõ po toto ytotohme. 30me pata nae toh kynexine Kireate nonory po. Moro pata tõ esety Jaia patary tõme kynexine.

Juize 5:10

Moro poko ekãtotoko, jumẽtu karimutumã po ytoketomo, typorohse exiketõ, oeky tõ mypary po, pupu po ytoytoketõ roropa.

1 Samueu 10:14

Mame Sauu aory tõturupose eya xine: — Otoko mexiatose? tykase. — Jumẽtu tõ zupĩko ynanexiase, tykase Sauu. — Mame toto onenepyra yna ahtao ynanytoase Samueu a oturuse.

1 Samueu 10:2

Seroae oytoryhtao orutua kõ maro oseporỹko mase, asakorõkomo Rakeu zonẽtopõpyry pũto, Zeuza po, Pẽjamĩ nonory po. Ynara ãko mã toto oya: “Jumẽtu tõ itahtyã tonese ropa toto. Naeroro seromaroro toto poko torẽtyke pyra exiko. Opoko rokẽ torẽtyke omy mana. ‘Oty rĩko ywy umũkuru poko,’ ãko mana,” ãko toto.

1 Samueu 9:2

Toiro tumũkue nexiase ynororo, esety Sauu. Nuaseme exiketyme nexiase, mosa roropa, emero Izyraeu tõ motye. Imoihmãkõ maro tahtao mosahxo aexiry tonese moino, zupuhpyry, imotary, enara.

1 Samueu 9:20

Torẽtyke pyra exiko jumẽtu tõ poko, mõkokonie autuenikatyã poko. Ynara exiryke, tonese ropa mã ynaroro. Yrome seromaroro onoky sehxo Izyraeu toh nae? Omoro se mã toto, omy tapyĩ taõkõ maro, tykase Samueu Sauu a.

1 Samueu 9:4

Mame toytose toh rahkene ypy poro Eparaĩ poro te, Sarisa nonory poro roropa, yrome onenepyra tokurehse toto. Mame Saarim poro toytose toto te, Pẽjamĩ nonory poro roropa tupise eya xine. Yrome onenepyra tokurehse toto.