1 Samueu 9:24 - Ritonõpo Omiry: A Bíblia Sagrada na língua Aparai do Brasil

²⁴ Mame tonehse ahtao tõsẽ ahnone a, jaxiry kurã tyrise eya Sauu ẽpataka. Ynara tykase Samueu eya: — Eneko ke! Sero tymenekase ya õtyme. Otuhkose. Õtyme tukurãkase ya ãtãkyematohme moxiã toahmase exiketõ maro, tykase Samueu. Morara exiryke moro ae ro tõtuhse Sauu Samueu maro.

1 Samueu 9:24 ပူးပေါင်းရင်းမြစ်များ

Exutu 29:22

Sero kaneru onekaroryme mana oturuketõ tymenekase ahtao ymaro oturuketõme toto ehtohme. Kaneru kasery apoiko: arokyry kasery te, zuahxirirĩ poko exikety te, erery zokonaka kurano te, epyasyhny asakoro ikasery maro te, ipety maro apotunuru wino.

Exutu 29:27

— Ymaro oturuketõ menekaryhtao ypoetoryme, kaneru puropuru, ipety roropa apiakako onekarory kurãme ya, ekarotohme oturuketõ zohme.

Ezekieu 24:4

Moro aka tõsẽ kurã tyriko, onymenekahpyry. Pehme tyriko tõsẽ ke, zehpo maro.

Numeru 18:18

Mokyro pũ õtyme exĩko mana imehnõ ahno nekarotyã kurã samo: ipuropuru te, ipety apotunuru wino maro õtyme ehtoh samo.

1 Samueu 9:23

Mame Samueu ynara tykase tõsẽ purune a: — Moro tõsẽ kurã enehta ynekarohpyry oya ikurãkatohme, tykase Samueu.