1 Samueu 9:21 - Ritonõpo Omiry: A Bíblia Sagrada na língua Aparai do Brasil

²¹ Sauu a tozuhse: — Yrome ywy Pẽjamĩ parỹpyryme ase. Tuhke pyra ynanase ipunaka. Ime pyra roropa papa tõ mana, wekyry tõ maro. Naeroro otarame osenekunohnõko mase ypoko, tykase Sauu.

1 Samueu 9:21 ပူးပေါင်းရင်းမြစ်များ

Saumu 68:27

Pẽjamĩ tõ oehnõko osemazuhme, jekyry tuhke hkopyra exiryke; mokaro mykapo Juta tamuximãkõ oehnõko tyekyry tõ maro; mokaro mykapo Zepurõ tõ tamuximãkomo te, Napatari tõ tamuxiry tõ maro.

Saumu 68:28

Ritonõpo, ajamitunuru enepoko yna a, ajamitunuru ke takorehmase yna exiryke.

Ozeja 13:1

Pake ahtao Eparaĩ tõ otururuhtao, otato imehnõ Izyraeu tõ nexiase emero, imehxo Eparaĩ tõ ekaroryke eya xine. Yrome tyneponãmarykõ Paau toahmapitose eya xine, naeroro orihnõko mã toto.

Ruka 14:11

— Ynara exiryke, tuisamehxo otyriryhtao ãmoreme, tuisame pyra orĩko Ritonõpo mana. Yrome imehnõ motye oexiry se pyra awahtao tuisamehxo orĩko Ritonõpo mana, tykase Jezu eya xine.

Epezu 3:8

Jezu poetoryme ase. Tuisame pyra ase repe. Yrome eya jerohtoh tokarose mana, juteutõkara amorepatohme typoko. Imehnõ motye kuhse Kyrixtu kypyno xine mana, emero kurã ekaroneme toexiryke.

1 Samueu 10:27

Yrome imehnõ ajoajohpãkomo ynara tykase: — Otarame mose kuewomatorỹko nase, nary rokene, tykase toto. Sauu typoihtose eya xine. Tynekarorykõ onekaropyra roropa eya toh nexiase.

1 Samueu 14:51

Kixi Sauu zumy, Nea Apinea zũ maro atakorõme toh nexiase, Apieu mũkuru tomo.

1 Samueu 15:17

— Tuisame hkopyra osekarõko mase otarame, yrome Izyraeu tuisaryme mase. Ritonõpo Kuesẽkomo a tymenekase oexiryke typoetory tõ Izyraeu tõ esẽme oehtohme.

1 Samueu 18:18

Yrome tozuhse Tawi a. Ynara tykase: — Oẽxiry apoiry ypytyme kure ya repe. Yrome ime pyra ase. Papa tõ roropa ime pyra mã toto. Tuisamehxo mase. Apaniryme jehtoh poko zuaro pyra ase ipunaka, tykase ynororo.

1 Samueu 18:23

Mame Tawi turuse toto a. Mame ynara tykase ynororo eya xine: — Tuisa Sauu paniryme jehtoh kure mã repe. Yrome ywy tymõkomoke pyra ase. Ime pyra roropa ase, tykase Tawi.

1 Samueu 9:22

Mame Sauu tarose Samueu a, ipoetory maro, osa konõto taka, otuhtoh pona typorohkapose toto meza zupuhpyry pona, imehxo exiketõ apõ pona. Moro meza po 30mãkõ toahmase exiketõ typorohse toh nexiase, Samueu eraximãko.