1 Samueu 7:6 - Ritonõpo Omiry: A Bíblia Sagrada na língua Aparai do Brasil

⁶ Naeroro tõximõse toto emero porehme Mixipa po. Mame tuna tupuimase eya xine ikuãtohme nono pona tynekarorykõme Ritonõpo a. Otuhpyra toehse toto tõtururukõke Ritonõpo a. Ynara tykase toto: — Iirypyryme toehse ynanase oneneryme, Ritonõpo, yna Esemy, tykase toto. Mame moroto, Mixipa po Izyraeu tõ takorehmase Samueu a zae ehtoh poko toto ehtoh poko.

1 Samueu 7:6 ပူးပေါင်းရင်းမြစ်များ

Jenexi 31:49

Tosehpase roropa Mixipame, ynara tykase Rapão exiryke: — Ritonõpo kuenẽko ro mana tãtapiakase kuahtao!

2 Samueu 14:14

Toipe sytatose orihnõko, emero porehme. Kymarokõ tuna sã exĩko tukuãse ahtao nono pona. Ananỹpyra ropa sytatose. Moro saaro toorihse kuahtao xine kuẽsemãkapopyra xine ropa Ritonõpo mana isene ropa kuehtohme. Yrome orutua enehpory ropa waro mase katonõ nonory poe.

1 Tuisa 8:47

opoetory tõ otururu oya etako. Moroto imepỹ po toto ahtao, tyyrypyrykõ rumekaryhtao eya xine, aotururukohtao roropa oya, aosekarorykohtao oya, tyyrypyrykõ ekaroryhtao oya, zae pyra toehtopõpyrykõ roropa, aomirykõ etako, Ritonõpo.

1 Koronika 11:18

Morara kary etaryke tyya xine, mokaro “Oseruaõkõ” soutatu tõ toytose pirixteu tõ esary rãnakuroko, tuna anỹse pẽkamae. Moro tuna tonehse eya xine Tawi a. Yrome mokaro nenepyhpyry onẽpyra Tawi kynexine. Tukuãse rokẽ eya nono pona, tynekaroryme Ritonõpo a.

2 Koronika 20:3

Enaromỹke toehse Josapa. Tõturuse ynororo Ritonõpo maro, tuaro ehtoh ekaropotohme. Moromeĩpo otuhpyra Juta tõ tyripose eya tõtururukõke Ritonõpo a.

Neemia 9:27

Morara exiryke tokarose toto oya toto epetõkara a, toto poremãkatohme, irohmanohpotohme. Yrome toetuarimarykohtao, okohmane toto takorehmapotohkõme, tozuhse toto oya, kapu ae. Toto pyno exikehpyra oexiryke, toto akorehmananõ tonyohse oya, toto pynanohtohme epetõkara wino.

Jo 16:20

Jepe tõ ykerekeremãko mã toto; eramãko ropa ase Ritonõpo a yxitaryme.

Jo 3:24

“Tyoro tynahke ase, yxitaryke. Pusuh kakehpyra ase, tuna kuamyry sã ya.

Jo 33:27

Ynara ãko mana imehnomo a emero: ‘Iirypyryme exiase, zae pyra ehtoh poko exiase. Yrome juãnohpyra Ritonõpo nexiase.

Jo 40:4

“Otara ãko ywy? Oezuhsaromepyra ase. Kurehxo mynyhme rokẽ jexiry.

Jo 42:6

Morara exiryke ehxirõko ase joturutopõpyry poko emero. Yyrypyry tõ ekarõko ase oya, taro typorohse jahtao nono pona, oruno htao.”

Saumu 106:6

Popyra toehse kymarokomo, zae pyra ipunaka; iirypyryme toehse sytatose, kytamurukõ samo.

Saumu 119:136

Iporiry sã yxity serere ãko, ikurenaka jenuru tõ poe, õmihpyry omipona pyra ahno tõ exiryke.

Saumu 42:3

Saereme ahtao yxitary poko kohmãnõko ase, koko ahtao moro poko ẽmehnõko ase, yxitary rokẽ ynapyryme mana. Jepetõkara ynara ekaropõko: Otoko hnae Ritonõpo Oesemy? kakehpyra mã toto.

Saumu 6:6

Penekehnõko ase yxitary poko. Kokoro rokẽ jynyhtoh tahxikure exĩko nase yxitatoh ke; jupuhpyry apõ tahxikure exĩko yxity ke.

Saumu 62:8

Wekyry tomo, Kuesẽkõ onenetupuhkehpyra ehtoko! Osekarotoko eya, Kuewomanekõme ynororo exiryke, kuesarykõ kurano.

Jeremia 31:19

Turumekase yna a omoro, yrome okynã pyra yna rypyhpyry rumekary se toehse ropa ynanexiase. Tuãnohse yna ahtao oya, tupue toehse yna emynyhmaryke popyra ynanyrihpyry pokoino nuaseme ro yna ahtao.’

Jeremia 36:9

Morarame nuno 9mã po, jeimamyry 5mã po tuisame Jeoakĩ, Joxia mũkuru ahtao, Juta tõ esẽme, ahno imoihme otuhpyra toh nexiase Ritonõpo eahmaryke. Jerusarẽ põkomo te, Juta patary tõ patary poe aehtyã maro.

Jeremia 9:1

Jupuhpyry tuna pẽkamãme ehtoh sã se ase repe, jenuru soesoekaneme sã se ase roropa repe yxity ke, ywy yxitatohme saereme, koko roropa wekyry tõ hnamoryme, totapase aexityamo.

Ramẽtasão 2:11

Jenuru tõ osenuhmara nase kehko yxity ke; ukurohtao torẽtyke ase. Jemynyhmaryke tapotũkehse ywy wekyry tõ tonahkase exiryke. Poetohti tõ pisarara enẽko ase orihnõko omise konõto toexirykõke pata esemary tõ ae.

Ramẽtasão 3:49

Xitakehpyra jenuru tõ mana anorypyra roropa, yxity kuãpõko ase enahpyra samo,

Ramẽtasão 5:16

Yna epyrypatopõpyry emero tonahkase ipunaka, iirypyryme toehse yna exiryke, tuãnohse ynanase yna rypyry epehpyryme.

Ezekieu 20:4

— Ahno mũkuru, moxiã apiakary waro mah? Moxiã apiakako! Zuruko toto itamuru tõ nyrityã xihpyry poko moino ro.

Ozeja 5:1

— Etatoko ke oturuketomo! Otato ehtoko Izyraeu tomo! Etatoko tuisa tapyĩ taõkomo. Ahno apiakaneme matose zae ehtoh ritohme; naeroro tuãnohsẽme exĩko matose! Ahno apoitoh sã toehse matose Mixipa po, ypy Tapoa po roropa tarãpa sã toehse matose

Joeu 2:12

“Naeroro seromaroro,” ãko Ritonõpo Kuesẽkõ mana, “eramatoko ropa ya yronymyryme, otuhpyra roropa ehtoko õtururukohtao ya te, oxitatoko te, emynyhmatoko.

Rewitiku 16:29

Sero Ritonõpo nyripohpyry omipona ehtoko jũme: — Ẽmepyry 10me ehtoh po, nuno 7me ehtoh po, Izyraeu tõ emero, imehnõ maro emero aosesarityã Izyraeu tõ maro otuhpyra kohmãnõko mã toto, erohpyra roropa kohmãnõko mã toto ipunaka,

Rewitiku 26:40

— Yrome apakomotyã osekarõko mã toto iirypyryme toexirykõ poko te, tytamurukõ rypyhpyry tõ ekarõko roropa mã toto; ynyripohpyry omipona pyra aexityamo, otato pyra toexirykõke

Ruka 15:18

“Morara exiryke ytõko ropa ase papa esaka mya roropa. Ynara ãko ase papa a: ‘Oehno ropa kẽ papa. Iirypyryme rokẽ ase oya, Ritonõpo a, enara.

Jozue 18:26

Mixipa te Sepira te, Mosa te,

Juize 10:10

Mame tõturuse Izyraeu tomo Ritonõpo a takorehmatohkõme eya. Ynara tykase toto: — Ritonõpo, yna Esemy, iirypyryme toehse ynanase õmiry omipona pyra, kananeu tõ neponãmary toahmase yna a roropa.

Juize 10:15

Yrome Izyraeu tomo a tozuhse ynororo: — Ajohpe pyra, iirypyryme ynanase. Yna zuãnohko ise awahtao. Yrome ajohpãme sã yna ipynanohko seroae ro, tykase toto.

Juize 2:4

Moro poko tõturukehse Ritonõpo nenyokyhpyry ahtao, tyxitapitose Izyraeu tõ emero.

Juize 20:26

Naeroro Peteu pona tõnuhse ropa Izyraeu tõ porehme xitase. Moroto tehme toh kynexine, Ritonõpo Tosẽkõ ẽpataka. Otuhpyra toh kynexine kohmamyry pona. Okyno tõ tyahkase eya xine tynekarorykõme Ritonõpo a. Osepeme ehtoh tokarose roropa eya xine, tynekarorykõme Ritonõpo a.

Juize 3:10

Takorehmase Otonieu Ritonõpo Zuzenu a, Izyraeu tuisaryme toehse ynororo. Soutatu tõ tarose eya etonatohme Mesopotamia tuisary maro, orẽpyra tyrise ynororo Ritonõpo a, Mesopotamia tõ typoremãkase, Izyraeu tõ typynanohse eya.

1 Samueu 1:15

— Arypyra, Pãna, tykase ynororo. — Atasamãko ase yronymyryme ukurohtao. Eukuru onẽpyra akene. Oturũko rokẽ akene Ritonõpo netaryme jatasamaryke ukurohtao.

1 Samueu 10:17

Mame Izyraeu tõ toahmase Samueu a, Mixipa pona toto ytotohme oximõtohme Ritonõpo poko.

1 Samueu 12:10

Mame tyxitase toto Ritonõpo netaryme, takorehmatohkõme ropa: “Ritonõpo Kapuaono, iirypyryme toehse yna orumekary ke yna a te, imehnõ neponãmary toahmase roropa yna a Paau te, Axitarote te, yrome seromaroro yna ipynanohko ropa poremãpyra yna ehtohme ropa. Mame oeahmãko ynanase,” tykase toto Ritonõpo a.

1 Samueu 7:15

Mame tuisame Samueu nexiase toorikyry ponãmero, Izyraeu tõ akorehmane roropa zae ehtoh waro Izyraeu tõ ehtohme.