1 Samueu 7:10 - Ritonõpo Omiry: A Bíblia Sagrada na língua Aparai do Brasil

¹⁰ Tynekarory zahkaryhtao ro Samueu a pirixteu tõ tooehse Izyraeu tõ esaka etonase repe. Yrome konomeru konõto tonehpose Ritonõpo a. Morara exiryke pirixteu tõ otupĩko rokẽ toh toehse, toepase toto.

1 Samueu 7:10 ပူးပေါင်းရင်းမြစ်များ

Saumu 18:15

Oepetõkara tupokase ahtao oya, Ritonõpo, zehno oexiryke konomeru tonehpose oya; morara ahtao tuna kurohtaonõpo tõsenese tãpaise, sero nono apaisẽ tõsenepose.

Saumu 29:3

Ritonõpo omiry osetãko mana tuna tõ epoe; Ritonõpo Imehxo Exikety takararahãko mana, tuna konõto epoe aomiry osetãko mana.

Saumu 29:4

Ritonõpo omiry tyjamitunuru ke pehme mana; tuisamehxo toehtoh ke pehme roropa mana.

Saumu 78:66

Topetõkara typoremãkapose eya, toepase toto, jũme ehxirokehpyra tyripose toto eya.

Zakaria 4:6

Moromeĩpo tonyohse exiase Ritonõpo nenyokyhpyry a Ritonõpo omiry ekarose Zoropapeu a. Ynara tykase ynororo: — Soutatu tõ jamitunuru ke pyra te, ajamitunuru ke pyra roropa ynyripohpyry rĩko mase. Yrome Juzenu Kurã ke moro rĩko mase. Ywy Ritonõpo, Jamihmehxo Exikety, oturuno.

Teuteronomiu 28:7

— Oepetõkara toehse ahtao etonase amaro xine, toto enahkapõko Ritonõpo Kuesẽkõ mana onenerykõme. Oximõme osetapase oehnõko mã toto atakenaka samo. Yrome sapararahme epãko mã toto, otupĩko rokẽ rahkene.

Jozue 10:10

Ritonõpo poe tõserehse toto Izyraeu tõ soutatu tõ eneryke tyya xine. Totapase toto Izyraeu tomo a moroto pata Kipeão po, tokahmase roropa toto yhtoryhtao Pete-Horõ esemary ae; totapase toto Azeka pona, Maketa pona roropa.

Juize 4:15

Tõsetapapitose Parake tõ ahtao tysoutatu tõ maro, putupyra Xisera tõ tyripose Ritonõpo a isoutatu tõ maro. Otupĩko toh kynexine Xisera kanary tõ aronanõ maro. Mame tykanary turumekase Xisera a, pupu po toepase ynororo.

Juize 5:20

Xirikuato tõ roropa tõsetapase: aytorykohtao kapu kuroko Xisera takorekehkase eya xine.

Juize 5:8

Imehnõ neponãmarykõ tymenekase Izyraeu tomo a, naeroro etonatoh toehse esarykõ po. 40 miume orutua kõ ahtao ro, tywaratake pyra toh kynexine, osewomatoh pyra ipunaka!

1 Samueu 12:17

Seromaroro konopome pyra mana. Tiriiku apoitohme nase seromaroro. Yrome oturũko ase Ritonõpo a konomeru enehpotohme konopo maro. Morara toehse ahtao onenerykõme enetupuhnõko matose oorypyrykõ poko. Iirypyryme toehse matose Ritonõpo Kuesẽkomo a tuisa tokaropose ahtao oya xine oesẽkõme, tykase Samueu.

1 Samueu 14:15

Mame moroto pirixteu tõ soutatu tõ esary po enaromỹke toehse. Tõserehse toto emero Ritonõpo poe. Nono tykytyky tykase roropa, otupĩko rokẽ toh nexiase.

1 Samueu 2:10

Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.

1 Samueu 7:11

Mame tokahmase toto Izyraeu tomo a, Mixipa poe Pete-Kaa pona. Tuhke totapase toto eya xine osema tao.