1 Samueu 6:6 - Ritonõpo Omiry: A Bíblia Sagrada na língua Aparai do Brasil

⁶ Ritonõpo Omiry onetapỹ sã pyra ehtoko, Ejitu tuisary samo, Ejitu põkõ maro. Wenikehpyra ehtoko, mokaro tomĩnose ahtao Ritonõpo a Izyraeu tõ taropose eya xine Ejitu poe.

1 Samueu 6:6 ပူးပေါင်းရင်းမြစ်များ

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Saumu 95:8

“Putuhtome exiketõ sã pyra ehtoko, atamurukõ ehtopõpyry sã pyra Meripa po, Masa po ona tonorẽ po.

Exutu 10:3

Moeze toytose Arão maro tuisa zuruse. Ynara tykase toto eya: — Ritonõpo epereu tõ Esẽ ynara ãko: “Otarahtao jomiry moĩko mano? Jomiry omipona exĩko mano? Ah ypoetory tõ nytõ toto sero nono poe jeahmase.

Exutu 14:17

Ejitu põkõ osenetupuhtoh ripõko ase tũpore. Izyraeu tõ ekahmãko mã toto tuna kuaka. Mame Imehxo jekarõko imehnõ mana, Ejitu tuisary te, soutatu tõ maro te, ikanary tõ aronanõ maro toto poremãkaporyhtao ya.

Exutu 14:23

Toto tokahmase Ejitu põkomo a toto apoitohme repe, osema ae tuna rãnakuroko, kawaru tõ maro te, ikanary tõ maro kawaru aroponanõ maro.

Exutu 4:21

Tõturuzomose ropa Ritonõpo Moeze a. Ynara tykase: — Yjamitunuru ekaroase oya enepotohme te, enetupuhpotohme. Toeporehkase awahtao Ejitu pona yjamitunuru enepõko mase morotõkõ tuisary ẽpataka. Yrome mokyro ripõko ase aosenetupuhtoh tũpore. Ypoetory tõ Izyraeu anaropopyra exĩko mã ynororo moro poe.

Exutu 7:13

Morohne eneryhtao ro tuisa aosenetupuhtoh tũpore ro kynexine Ritonõpo nekarohpyry ae ro. Moeze tõ omiry, Arão maro onymoipyra kynexine.

Exutu 7:14

Mame ynara tykase Ritonõpo Moeze a: — Ejitu tuisary aosenetupuhtoh tũpore mana. Ejitu poe ypoetory tõ anaropopyra mana aporo.

Exutu 8:15

Mame pororu tõ toorihse exiry tonese ahtao tuisa a, aosenetupuhtoh tũpore toehse ropa, Ritonõpo nekarohpyry ae ro. Moeze tõ onymoipyra toehse, Izyraeu tõ anaropopyra tokurehse ynororo.

Exutu 8:32

Yrome tuisa osenetupuhtoh tũpore toehse ropa. Izyraeu tõ anaropopyra tokurehse ropa ynororo.

Exutu 9:16

Yrome isene ro onomõko ase, yjamitunuru enepotohme oya xine juaro imehnõ ehtohme sero nono põkõ porehme.

Exutu 9:34

Yrome konopoimo te, konomeru roropa mynyhpãtopõpyry eneryke tuisa a, iirypyryme toehse ropa ynororo. Izyraeu tõ anaropopyra toehse ropa ynororo ipoetory tõ maro.

Romanos 2:5

Yrome onetarahko sã matose, aomipona se pyra oexirykõke. Naeroro awãnohpotorỹkohxo Ritonõpo mana, kurãkõ apiakatoh po. Morara ahtao kyyrypyrykõ zehno Ritonõpo ehtoh enẽko sytatose. Zae kuapiakarykõ enẽko roropa sytatose.

Epereu 3:13

Yrome Ritonõpo omipona oehtohkõme atakorehmatoko kokoro rokene. “Taroino jomipona ehtoko,” karyhtao Ritonõpo a kyya xine atakorehmatoko, toiro Jezu poetory osenekunopyryino tyyrypyry poko.