1 Samueu 6:3 - Ritonõpo Omiry: A Bíblia Sagrada na língua Aparai do Brasil

³ Mame ynara tozuhse toto: — Izyraeu tõ Esẽ omihpyry ẽ aropory ropa ahtao, imaro onekarorykõ aropoko, oorypyrykõ epehpyryme. Mame tukurãkasẽme exĩko matose. Tuaro exĩko roropa matose, oty katoh tuãnohse oehtopõpyrykõ poko, tykase toto.

1 Samueu 6:3 ပူးပေါင်းရင်းမြစ်များ

Jo 10:2

Ritonõpo, popyra exiketyme jekaropyra exiko! Kuruko oty poko jyhxirõko mah?

Exutu 23:15

Nuno apipe po, moro ae tutũtase oexirykõke Ejitu poe, oseahmatoko õtuhtohkõ ke, Wyi Porutapỹ maro, jomihpyry ae ro. 7me ẽmepyry ae wyi ohnõko matose iporutatoh risẽ pyra. Jeahmãko matose onekarorykõ enepyry ke ya.

Exutu 34:20

Yrome jumẽta mũkuru apitorymã epekahnõko matose kaneru mũkuru ke onekaroryme imyakãme. Jumẽtu mũkuru onepekahpyra awahtao xine aorihmapõko matose ipỹ tohkatoh ke. Omũkuru tõ emero apitoryme aenurutyã epekahtoko. — Jẽpataka oehpyra ehtoko tokarosẽ maro pyra, onekaroryme ya.

Exutu 8:15

Mame pororu tõ toorihse exiry tonese ahtao tuisa a, aosenetupuhtoh tũpore toehse ropa, Ritonõpo nekarohpyry ae ro. Moeze tõ onymoipyra toehse, Izyraeu tõ anaropopyra tokurehse ynororo.

Rewitiku 5:6

tynekaroryme okyno enehnõko mana Ritonõpo a tyyrypyry korokapotohme, toiro kaneru, kaneru pyra ahtao poti etapatohme. Mame oturukety mokyro zahkãko mana iirypyry korokapotohme.

Rewitiku 6:6

Mame kaneru mũkuru enehnõko mana oturukety a, kure rokẽ exikety tynekaroryme Ritonõpo a tyyrypyry korokapotohme. Mokyro epehpyry kuhnõko ropa mana pape eneryke Ritonõpo Tapyĩ tao.

Teuteronomiu 16:16

— Morohne oseruao oximõtohme mana Izyraeu tõ emero ytotohme Ritonõpo ẽpataka, inymenekahpyry pona toahmatohme: Oseahmatoh Paxikoa te, Oseahmatoh Tykyrysã Apoitoh poko te, Oseahmatoh Tapyi Pisarara poko, enara. Mame oytorykohtao tokarosẽ arotoko onekarorykõme Ritonõpo a.

1 Samueu 5:11

Mame pirixteu esẽkõ tykohmase tyya xine. Ynara tykase toto: — Izyraeu Esẽkõ omihpyry ẽ aropotoko ropa mya, esaka ropa kuorihmaporykõino kuekyrykõ maro, tykase toto. Tuhke orihnõko toh nexiase, tyrohsẽ ke moro pata po, tuãnohse toto yronymyryme exiryke Ritonõpo a.

1 Samueu 5:7

Mame morara eneryke tyya xine, ynara tykase Axitote põkomo: — Moro kaxo, Izyraeu tõ Esẽ omihpyry ẽ taro ehsaromepyra mana, kymaro xine. Taro ahtao kuãnohtorỹko Ritonõpo mana. Kyneponãmary, Takõ wãnohnõko roropa mana, tykase toto.

1 Samueu 5:9

Yrome moro pona tarose ahtao orẽpyra morotõkõ tuãnohse roropa Ritonõpo a. Tõserehse toto ipunaka. Tyrohsẽ konõto tapoise morotõkomo a, poetohti a te, tamuhpomãkomo a roropa, emero.

1 Samueu 6:8

Mame kahu pona Ritonõpo omihpyry ẽ tyritoko. Imaro kahu po onyrihpyrykõ, uuru risẽ tyritoko imepỹ kaxo ao onekarorykõ eya, oorypyrykõ epehpyryme. Mame pui tõ aropotoko osema ae toto ytotohme.

1 Samueu 6:9

Yrome aytory enetoko. Aytoryhtao Izyraeu tõ esaka Pete-Seme pona enetupuhnõko matose, serara tyrohsẽ toehse Ritonõpo poe rahkene. Yrome morotona ytopyra toto ahtao enetupuhnõko sytatose, Ritonõpo poe pyra sẽ tyrohsẽ toehse. Tamoreme rokẽ toehse nase, tykase toto.