1 Samueu 5:7 - Ritonõpo Omiry: A Bíblia Sagrada na língua Aparai do Brasil

⁷ Mame morara eneryke tyya xine, ynara tykase Axitote põkomo: — Moro kaxo, Izyraeu tõ Esẽ omihpyry ẽ taro ehsaromepyra mana, kymaro xine. Taro ahtao kuãnohtorỹko Ritonõpo mana. Kyneponãmary, Takõ wãnohnõko roropa mana, tykase toto.

1 Samueu 5:7 ပူးပေါင်းရင်းမြစ်များ

2 Samueu 6:9

Mame Ritonõpo zuno Tawi nexiase. Ynara tykase ynororo: — Ritonõpo omihpyry ẽ arory waro pyra ase ipunaka, tykase.

1 Koronika 15:13

Yna maro pyra oehtopõpyrykõke apitoryme arotohme yna tuãnohse Ritonõpo a, zae oneahmara yna ehtopõpyryke.

Exutu 10:7

Mame ynara tykase tuisa poetory tõ eya: — Otara ahtao kuerekohmakehnõko mokaro nae? Ah mokaro orutua kõ nytõ toto tosẽkõ Ritonõpo eahmase. Tuaro pyra ro mahno Ejitu enahkatoh poko?

Exutu 12:33

Taryporyke Izyraeu tõ aropory se toehse Ejitu põkomo. Ynara tykase toto: — Ytopyra awahtao xine orihnõko ynanase porehme.

Exutu 8:28

Mame ynara tykase tuisa: — Ỹ, ytotoko. Aaropotorỹko ase. Oekykõ etapatatoko jahkatohme onekarorykõme Ritonõpo Oesẽkomo a. Yrome mya nymyry pyra ytotoko. Oturutoko ypoko roropa, tykase Ejitu tuisary eya xine.

Exutu 8:8

Mame Moeze tõ tykohmapose tuisa a Arão maro. Ynara tykase ynororo: — Oturutoko Oesẽkõ Ritonõpo a pororu tõ aropotohme ropa yna wino. Izyraeu tõ aropõko ase amaro xine okyno tõ zahkatohme onekarorykõme eya, tykase repe.

Exutu 9:28

Oturuko Ritonõpo a. Epo mana konomeru, konopoimo topu tõ maro! Aaropotorỹko ropa ase. Taroino oneraximazomopopyra ase oya xine, tykase tuisa.

Jeremia 46:25

Ritonõpo, Jamihmehxo Exikety, Izyraeu tõ Esemy ynara tykase: — Amõ wãnohnõko ase, Tepa põkõ neponãmarykõ, Ejitu tõ roropa te, toto neponãmarykõ roropa te, ituisary tõ maro. Ejitu tuisary wãnohnõko ase, ahno roropa emero, mokyro enetupuhnanõ towomanekõme.

Jeremia 48:7

“Moape tomo ajamitunuru ipune mekaroatose omõkomory roropa oewomatohkõme repe, yrome seromaroro typoremãkasẽme exĩko mase. Oritõ Kemo tarosẽme exĩko imepỹ nono pona, otuisary poenõ maro oritõ poko oturuketõ maro.

1 Samueu 4:8

— To! Onokyhxo nah kypynanohtorỹko mokaro neponãmarykõ a kuenahkarykohtao? Mokarohne mokaro, tyrohsẽ konõto tokarose Ejitu põkomo a, ona po, ahno esao pyra.

1 Samueu 5:6

Mame mokaro Axitote põkõ tuãnohse Ritonõpo a yronymyryme ipatary zomye exiketõ roropa. Tyrohsẽ tonehpose eya itamurume jetũ exikety.

1 Samueu 5:8

Mame omi aronanõ tonyohse pirixteu tõ kowenatu 5me oehtohme oximõme enetupuhtohme moro poko. — Oty rĩko sytatou moro kaxo poko, Izyraeu Esẽ omihpyry ẽ poko? tykase. Mame imehnomo a tozuhse toto: — Isyryhmako pata Kate pona, tykase toto. Morara exiryke Ritonõpo omihpyry ẽ taropose eya xine Kate pona.

1 Samueu 6:20

Mame tõturupose Pete-Seme põkomo: — Onokyhxo owõnõko nae Ritonõpo ẽpataka? Zaehxo exiketyme Ritonõpo mã ipunaka. Aza rokẽ aomihpyry ẽ aropõko sytatou myahxo taroino?