1 Samueu 5:3 - Ritonõpo Omiry: A Bíblia Sagrada na língua Aparai do Brasil

³ Yrome yrokokoro typakase ropa Axitote põkõ ahtao tyneponãmarykõ, Takõ tonese eya xine, nono pona toepukase, Ritonõpo omihpyry ẽ ẽpataka. Mame tyneponãmarykõ tanỹse ropa eya xine esaka tyritohme ropa.

1 Samueu 5:3 ပူးပေါင်းရင်းမြစ်များ

1 Tuisa 18:26

Pui tapoise Paau poetory tomo a, totapase eya xine, tysahkase, apotopokõ pona mokyro tyrise roropa eya xine, mame tosẽkomo a apoto tokaropose eya xine repe, pakeimo poe tãxiahtao pona. — Yna omiry etako, Paau, tykase. Yrome ezuhtoh onetara toh kynexine, mõtohxo kara. Tuapitose toto tynyrihpyrykõ apoto apõ zomye repe. Yrome apoto otukara nexiase kaino.

Saumu 115:7

Tomahke mã kehko, yrome anapoipyra mã toto. Ipupuru tõ nae repe, yrome ytoytopyra mã toto. Esenarykõ ae omi tũtara mana ipunaka.

Saumu 97:7

Imehnõ neponãmary eahmananõ ehxirõko mã toto; epyrypaketõ tyneponãmarykõ poko ehxirõko mã toto. Ritonõpo Kuesẽkõ ẽpataka emero ritõ tõ tosekumurukõ po porohnõko mã toto.

Exutu 12:12

— Sero koko ytõko ase Ejitu nonory poro imũkurukõ apitorymãkõ etapase emero, ahno mũkuru tomo te, okyno mũkuru tomo, enara. Ejitu põkõ ritõ tõ wãnohnõko ase porehme. Ywy ase Ritonõpo.

Izaja 19:1

Sero omi mã Ejitu wãnohtoh poko. Akurũ po Ritonõpo ytõko mana Ejitu pona axiny. Ejitu põkõ neponãmarykõ tykytyky ãko Ritonõpo ẽpataka, Ejitu põkõ enaromỹke exĩko.

Izaja 40:20

Uuru onepekahsaromepyra exikety a parata roropa, wewe kurã epekahnõko mana. Mame wewe axikane emese kure exikety zupĩko mana tyneponãmary axikatohme, esaka tyritohme apõ pona.

Izaja 41:7

Morarame mokyro wewe axikane ynara ãko uuru poko erohkety a: ‘onyrihpyry kure mana.’ Mokyro kurimene etapane mate ke ynara ãko osexihmapone a: ‘Emese kure mase, moro onyrihpyry kure mana!’ ãko. Tyneponãmary rĩko mã toto esaka exixihmãko epukara ehtohme.”

Izaja 46:7

Mame tyneponãmarykõ anỹnõko mã toto tymotary pona ipuimatohme, esaka tyrĩko mã toto; moroto rokẽ exĩko, ytosaromepyra mana tosary poe. Eya ahno otururuhtao onezuhsaromepyra mana; ahno onypynanohsaromepyra mana popyra ehtoh toehse ahtao eya xine.

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Sowonia 2:11

Mokaro maro osetapãko Ritonõpo mana orẽpyra samo. Ineponãmarykõ emero sero nono po enahkapõko mana. Mame imeimehnõ nono põkõ emero Ritonõpo eahmãko mã toto tosarykõ po.

Maku 3:11

Morarame jorokohpã kõ Jezu eneryhtao, toepukase toto ẽpataka: — Ritonõpo mũkuru nymyry mase, tykase toto. Kui tykase roropa toto.

1 Samueu 6:1

Morarame 7me nuno taropose Ritonõpo omihpyry eny moroto, pirixteu tõ nonory po.

1 Samueu 6:5

Tyrohsẽ kuhtoh tyritoko uuru risemy, mũpo kuhtoh roropa, uuru risẽ tyritoko, sero pata enahkaryke mũpo tomo a. Morara ahtao Izyraeu tõ Esẽ eahmãko matose. Otarame awãnohkehtorỹko mana, oneponãmarykõ maro oesarykõ maro.