1 Samueu 4:3 - Ritonõpo Omiry: A Bíblia Sagrada na língua Aparai do Brasil

³ Toytose ropa toto ahtao tynyhtohkõ pona, ynara tykase Izyraeu tõ esẽ tomo: — Otara toehse kymarokomo seroae? Ritonõpo a typoremãkapose kymarokomo pirixteu tomo a. Ritonõpo omihpyry ẽ senehtone Ritonõpo maro Oturutoh tae Xiro poe. Mame kymaro xine arõko sytatose, kypynanohtohkõme, kuetapara xine kyzehnotokõ ehtohme, tykase toto.

1 Samueu 4:3 ပူးပေါင်းရင်းမြစ်များ

2 Samueu 15:25

Mame Zatoke a ynara tykase tuisa Tawi: — Ritonõpo omiry ẽ arotoko ropa pata pona. Ypyno Ritonõpo ahtao jenehnõko ropa xiaro mana. Ahtao aomihpyry ẽ enẽko ropa ase, esary roropa.

1 Koronika 17:1

Morarame torẽnase Tawi tuisame toexiry poko tytapyĩ kurã tao. Mame urutõ Natã tonehpose tyya, ynara tykase ynororo eya: — Taro ase tapyi konõto apupari risẽ tao, yrome Ritonõpo omihpyry ẽ tapyi pitiko tao rokẽ mana, tykase.

Saumu 74:1

Ritonõpo, oty katohme turumekase yna oya jũme samo? Oty katohme yna zehno mahno? Yna esẽme mase, kaneru sã ynanase oeky tõ samo, opoetoryme ynanase.

Saumu 74:11

Oty katohme yna akorehmary se pyra hmahno? Oemary anỹko mokaro wãnohtohme.

Izaja 50:1

Ynara ãko Ritonõpo mana: “Taropose ropa ya ekarõko matou, typyty aropory sã inio a? Morara ahtao otoko na apapeny, ypyty aropotoh papeny? Otarame ynara ekarõko matose: Imehnõ namotome kuekaroatose tineru apoitohme ya, ynepehmary epehmatohme. Arypyra! Tarose mexiatose imehnõ namotome oorypyrykõ pokoino; kuaropoatose popyra ehtoh poko oexirykõke.

Izaja 58:3

Ynara ãko ahno ekaropõko Ritonõpo a: “Oty katohme amotyryae rokẽ otuhnõko ynanae yna onenepyra awahtao? Toiparo rokẽ otuhpyra ynanase, oty kara awahtao.” Ynara ãko ezuhnõko Ritonõpo mana: “Ynara ajohpe pyra mana, moro ẽmepyry ae otuhpyra awahtao xine openetatohkõ poko ro matose, opoetory tõ rohmanohpõkohxo matose.

Izaja 59:1

Ritonõpo jamihme pyra toehse, kypynanopyrykõ waro pyra mana, ekarõko matou? Otarame otato pyra mana, kuotururukõ onetasaromepyra mana.

Izaja 59:2

Yrome oorypyrykõ pokoino õmirykõ onetara mana. Popyra ehtoh poko oexirykõke otonẽnõko mana owinoino xine, õtururukõ onezuhpyra roropa mana.

Jeremia 3:16

Mame tuhke toehse awahtao xine moro nono po oturupyra exĩko matose jomihpyry ẽ poko. Moro kaxo poko osenetupuhkehnõko matose. Wenikehnõko matose ipoko; ise pyra exĩko matose. Imepỹ onyripyra exĩko roropa matose.

Jeremia 7:4

Omi zae pyra ehtoh onenetupuhpyra ehtoko, ajohpe exiryke: “Towomase sytatose! Sero Ritonõpo Tapyĩme mana, sero Ritonõpo Tapyĩme mana, sero Ritonõpo Tapyĩme mana!”

Numeru 10:33

Morarame toytose Izyraeu tõ ahtao Xinai poe, Ritonõpo ypy poe, toytose toto oseruao ẽmepyry ae. Ritonõpo omihpyry ẽ aronanõ toytose osemazuhme osa menekatohme osesaritohme.

Numeru 10:35

Tahxime Ritonõpo omihpyry ẽ taropitose ahtao ynara tykase Moeze: “Ritonõpo, yna Esemy owõko! Sapararahme oepetõkara aropoko! Ah ozehno exiketõ nepã toto oẽpatae oytoryhtao.”

Numeru 31:6

Mokaro 12 miumãkõ taropose Moeze a etonatohme, Pineia poetoryme, oturukety Ereaza mũkuru. Ritonõpo kyryry tõ kurã tarose roropa eya, rueimo tõ maro tuaro ehtoh enetupuhpotohme.

Teuteronomiu 29:24

Mame imeĩpo imehnõ nono põkõ ekaropõko mã toto. Ynara ãko: “Oty katohme morohne tyrise Ritonõpo a moro nono põkomo a? Oty katohme toto zehno toehse ynororo yronymyryme?”

Teuteronomiu 31:26

— Sero pape, Ritonõpo Nyripohpyry tyritoko Ritonõpo Kuesẽkõ omihpyry ẽ maro enetupuhpotohme zae pyra oehtohkõ poko.

2 Timoteu 3:5

“Ritonõpo poetoryme ynanase,” ãko toh mã repe. Yrome Ritonõpo jamitunuru ripory se pyra mã toto tukurohtaka xine. Naeroro mokaro maro pyra ehtoko isã oexirykõino.

Epereu 9:4

Moro tao uuru risẽ kynexine, ixtaratu panõ zahkatopo. Ritonõpo omihpyry ẽ roropa moro tao kynexine. Moro ao: “Ywy ase Ritonõpo, oesẽkomo. Jomipona ehtoko ipunaka. Kure rokẽ ehtoko,” katopo Ritonõpo a moro ao kynexine. Moro kaxo, uuru ke tukurihpase kynexine. Moro kaxo ao roropa uuru risẽ kynexine otyro ẽme kasana sã tyrihpyry, kapu ae Ritonõpo nenehpohpyry Izyraeu tõ napyryme. Moro ke pehme uuru risẽ kynexine. Arão myxihpyry roropa kaxo ao kynexine. Tarỹke kynexine. Topu risẽ roropa kaxo ao kynexine, pipahme exiketõ asakoro. Ipokona tymerose kynexine tõmiry Ritonõpo a.

Jozue 4:7

toto zurũko matose, sero Joatão tunary etypohtopõpyry poko, takuohse Ritonõpo omiry ẽ ahtao. Sero topu tõ eneryke tyya xine wenikehpyra Izyraeu tõ exĩko mã toto sero poko.

Jozue 6:6

Oturuketõ tykohmase Jozue a, ynara tykase ynororo eya xine: — Ritonõpo omiry ẽ arotoko. Esemazupurume 7me oturuketõ ytõko turuẽkõ maro.

Jozue 7:7

Ynara tykase Jozue Ritonõpo a: — Ritonõpo, Jesemy! Oty katohme Izyraeu tõ menepyase, Joatão akuohtohme? Yna ekarotohme amoreu tomo a, yna etapatohme? Oty katohme Joatão mõpoe rokẽ yna onyripopyra mexiase?

Jozue 7:8

Ritonõpo, ynahxiropyra exiko, Izyraeu tõ toepase topetõkara kurũke. Naeroro otara ãko ywy?

1 Peturu 3:21

Moro tuna kuamorepatohkõme kynexine kuẽpurihkarykõ poko. Epypyra sytatose kuẽpurihkarykohtao. Osẽpurihkãko sytatose: “Typynanohse ywy Ritonõpo a,” katohme imehnõ netaryme emero. “Zae ase seromaroro Ritonõpo a,” ãko sytatose. “Aomipona rokẽ ase taroino,” ãko sytatose kuẽpurihkarykohtao, tõsemãse ropa Jezu Kyrixtu exiryke.

Juta 1:5

Morohne waro matose repe. Yrome owenikehkaporykõ se ropa ase. Pake Izyraeu pary tõ typynanohse Ritonõpo a. Ejitu poe tarose toto eya. Morarame onenetupuhpynõ tonahkapose ropa eya.

1 Samueu 1:24

Moromeĩpo tuãtase pitiko imũkuru ahtao, tarose ynororo Xiro pona. Tynekarorykõ tarose eya xine, pui mũkuru, oseruao jeimamyry exikety te, tiriiku 10 kirume te, uwa eukuru jehnahpyry maro tarose tynekarorykõme Ritonõpo a. Xiro pona toytose toto Ritonõpo maro Oturutoh taka.

1 Samueu 14:18

Mame ynara tykase Sauu Aia a, Ritonõpo maro oturukety a: — Ritonõpo omihpyry ẽ enehta xiaro, tykase Sauu. Morara tykase ynororo, tymaro xine Ritonõpo omihpyry ẽ tarose exiryke eya xine Izyraeu tõ esemazupurume.

1 Samueu 4:2

Mame tõsetapase toto pirixteu soutatu tõ Izyraeu tõ maro. Mame Izyraeu tõ typoremãkase pirixteu tomo a. Izyraeu tõ soutatu tõ totapase pirixteu tomo a 4 miume.