1 Samueu 4:21 - Ritonõpo Omiry: A Bíblia Sagrada na língua Aparai do Brasil

²¹ Mame tumũkuru tosehpase Ikapome, ynara karyke: “Izyraeu tyjamihkehse, turumekase Ritonõpo a,” tykase, Ritonõpo omihpyry ẽ tarose exiryke te, imeretamuru toorihse exiryke roropa te, inio roropa toorihse exiryke, enara.

1 Samueu 4:21 ပူးပေါင်းရင်းမြစ်များ

Saumu 106:20

Ritonõpo Imehxo Exikety tymyakãmase eya xine okyno panõ ke, onahpoty enahne ke.

Saumu 26:8

Ritonõpo Jesemy, atapyĩ sehxo hano, oesary; saereme oehtoh moroto mana.

Saumu 78:61

Tõmihpyry ẽ tapoipose eya Izyraeu tõ zehnotokomo a, tyjamitunuru enetupuhpotopo, imehxo toehtoh enetupuhpotoh roropa.

Saumu 78:64

Ritonõpo maro oturuketõ roropa totapase kynexine, toto onyhnamopopyra ipyxiamõpyrykõ kynexine.

Jeremia 2:11

Imepỹ nonory põkõ tyritõ onymyakãmara tyneponãmary panõ ke, isene pyra exiketõ ke, tynyrihpyrykõ ke, toponãmasã ajohpe exikety ke. Yrome ypoetory tomo a tymyakãmase ywy, Ritonõpo kurã, Imehxo Exikety tymyakãmase eya xine, toponãmasã panõ ke, tynyrityã ke, isene pyra exiketõ ke, anakorehmara exiketõ ke.

Ramẽtasão 2:1

Zehno toehse Ritonõpo ahtao, pata Jerusarẽ tyõtose eya akurũ xinukutumã ke. Pata Jerusarẽ tyripose eya ypyme typahsẽme rokene. Apitoryme pata kurãme nexiase, kapu ao aexihpyry samo, toepyrypase Izyraeu tomo typatarykõ poko. Yrome typenekehse Ritonõpo ahtao moro turumekase eya. Tytapyĩ kurã roropa turumekase eya.

Ozeja 9:12

Toemũkuase toto ahtao imũkuru tõ arõko ase mya; akoĩpyry onynomopyra ase ipunaka. Popyra ehtoh oehnõko eya xine myhene turumekase toto ahtao ya!

1 Samueu 14:3

Mokaro maro Ritonõpo maro oturukety nexiase esety Aia. Ritonõpo maro oturukety zupõ tamuruse eya. Aitupe mũkurume kynexine ynororo, Ikapo rui mũkuru. (Ikapo, Pineia mũkurume kynexine, Eri paryme roropa. Eri mokyro, Ritonõpo maro Oturutoh tao erohketyme Xiro po.) Mame tuaro pyra toh nexiase Jonata ytotopõpyry poko.

1 Samueu 2:34

Mame jomihpyry waro oehtohme opoenõ asakoro orihnõko mana, Hopini, Pineia, enara. Toiro ẽmepyry ae orihnõko mã toto.

1 Samueu 3:12

Morara ahtao Eri tõ wãnohnõko ase jomihpyry ae ro, emero, apitory poe etyhpyry pona.

1 Samueu 4:11

Ritonõpo omihpyry ẽ roropa tarose pirixteu tomo a. Eri poenõ roropa totapase Hopini, Pineia, enara.

1 Samueu 4:22

Ynara tykase rokẽ ynororo: — Izyraeu turumekase Ritonõpo a. Aomihpyry ẽ tarose exiryke, tykase.