1 Samueu 4:19 - Ritonõpo Omiry: A Bíblia Sagrada na língua Aparai do Brasil

¹⁹ Moroto nexiase Eri pary eny, Pineia pytỹpyry. Poetoẽme nexiase ynororo, enurusasaka roropa. Mame zuaro toehse tahtao Ritonõpo omihpyry ẽ arotopõpyry poko pirixteu tomo a te, tynio orihtopõpyry poko te, tymeretamuru orihtopõpyry poko roropa, jetũ toehse, tonuruse roropa ynororo.

1 Samueu 4:19 ပူးပေါင်းရင်းမြစ်များ

Jenexi 3:16

Nohpo a ynara tykase Ritonõpo: — Itamurumehxo etuarimãko mase poetoẽme awahtao, opoenõ enururuhtao oxietũtõko mase. Morara ahtao ro onio poko penetãko ro mase. Oesẽme exĩko roropa mana.

Jenexi 35:17

Morarame sam tykase itamurume ahtao, imaro exikety, nohpo ynara tykase: — Enaromyra exiko; emũkuãko mase orutuame.

1 Tuisa 14:1

Morarame Apia, tuisa Jeropoão mũkuru, takuruhtase.

Saumu 78:64

Ritonõpo maro oturuketõ roropa totapase kynexine, toto onyhnamopopyra ipyxiamõpyrykõ kynexine.

Jeremia 26:6

Otato pyra awahtao xine, sero Ytapyĩ Kurã rĩko ase Xiro ritopõpyry sã ya. Mame imeimehnõ nonory põkõ sero pata esehtõko mã toto, popyra ehtoh enehpory se toto ahtao.

1 Samueu 4:18

Mame: “Ritonõpo omihpyry ẽ tarose,” kary etaryke tyya, Eri toepukase epehtoh poe, moroto, pata omõtoh pũto. Mame ipymyry toetohkase omoxĩ aexiryke. Morara exiryke toorihse ynororo. 40me jeimamyry taropose eya Izyraeu akorehmaneme, zae ehtoh waro toto ehtohme.

1 Samueu 4:20

Orihnõko nexiase, yrome ynara tykase poeto enurumaponanomo eya: — Poremãpyra exiko! Omũkuru nenuruno, tykase toto eya repe. Yrome onezuhpyra, onetara roropa nexiase ynororo.