1 Samueu 31:8 - Ritonõpo Omiry: A Bíblia Sagrada na língua Aparai do Brasil

⁸ Mame yrokokoro pirixteu tõ toytose ropa ahtao aorihtyã mõkomohpyã kurãkõ apoitohme tyya xine, Sauu ekepyry tonese eya xine imũkuru tõ ekepyry maro ypy Kiupoa po.

1 Samueu 31:8 ပူးပေါင်းရင်းမြစ်များ

2 Samueu 1:20

Kate põkõ onurupyra ehtoko, Axikerõ põkomo onurupyra ehtoko, tãkye pirixteu ẽxiry tõ exiryino, Ritonõpo waro pyra exiketõ ẽxiry tõ atãkyemaryino.

2 Samueu 1:21

Konopo oehpyra exiko ypy Kiupoa pona. Otyro ahtara exiko tupito tõ po! Moroto soutatu tõ osewomatoh typahse exiryke, nuriame nono po; Sauu osewomatoh zemime pyra toehse oriu maro onykorokara exiryke.

1 Koronika 10:8

Mame yrokokoro pirixteu tõ toytose ropa toto ahtao aorihtyã mõkomohpyry apoitohme tykyryrykõme, Sauu ekepyry tonese eya xine imũkuru tõ ekepyry maro ypy Kiupoa po.

2 Koronika 20:25

Mame toytose Josapa, ipoetory tõ maro toto mõkomohpyry apoise, topekõkara mõkomohpyry. Pui tõkehko tonese eya xine te, soutatu tõ pyre te, upo te, joia tomo, enara. Oseruao ẽmepyry taropose eya xine mõkomo arory poko, yrome itamurume exiryke emero toto mõkomohpyry anarosaromepyra toh kynexine.

1 Samueu 28:4

Mame pirixteu tõ tõximõse toto pata Sunẽ pũto, moroto tõsesarise toto. Sauu a Izyraeu tõ tykohmase aosesaritohkõme ypy Kiupoa pona.

1 Samueu 31:7

Morarame Izyraeu tõ soutatu tõ poremãkatopõpyry eneryke tyya xine, typatarykõ turumekase Izyraeu tomo a jakanahmã Jezereu mõpozakoxi, tuna Joatão mõpozakoxi xixi tũtatoh winakoxi roropa toepatohkõme. Mame pirixteu tõ tõsesarise Izyraeu tõ esahpyry pona.

1 Samueu 31:9

Mame Sauu zupuhpyry tyhkohse eya xine. Aosewomatoh, metau risẽ tapoise roropa eya xine, zuponỹpyry roropa metau risemy. Mame omi aronanõ taropose eya xine pirixteu tõ patary tõ poro toto zurutohme Sauu orihtopõpyry poko. Mame tyneponãmarykõ eahmatoh tao, ahno rãnao roropa turuse eya xine.