1 Samueu 3:17 - Ritonõpo Omiry: A Bíblia Sagrada na língua Aparai do Brasil

¹⁷ — Aimo, oty nykã Ritonõpo oya? Ekaroko emero. Awãnohnõko Ritonõpo mana onekaropyra awahtao, tykase.

1 Samueu 3:17 ပူးပေါင်းရင်းမြစ်များ

2 Samueu 14:18

Mame ynara tykase Tawi eya: — Ekaropory se ase oya, zae rokẽ kuezuhko roropa. — Ekaropoko, tuisa, tykase ynororo.

2 Samueu 19:13

— Ynara kahtoko roropa Amasa a: “Wekyryme mase. Seromaroro orĩko ase soutatu tõ tuisaryme Joape myakãme. Ritonõpo a jetapary se ase moro onyripyra jahtao!” tykase.

2 Samueu 3:35

Mame tonahsẽ ekarory se toh nexiase Tawi a, otuhtohme kohmãpyra ahtao ro repe. Yrome otuhpyra nexiase. Ynara tykase ynororo: — Ritonõpo, kuetapako tonahsẽ enapyryhtao ya xixi omõpyra ro ahtao, tykase.

2 Samueu 3:9

Ynara tykase Ritonõpo Kuesẽkõ Tawi a: “Jomihpyry ae ro Sauu tõ tuisame pyra tyrĩko ase, Izyraeu tõ esẽme oehtohme, Tawi, Juta tõ esẽme roropa.” Naeroro kuetapako Ritonõpo, moro onyripyra jahtao Õmihpyry ae ro, tykase Apinea.

1 Tuisa 22:16

Yrome tozuhse ynororo Akape a: — Ajohpe pyra exiko Ritonõpo Kuesẽkõ omiry ekaroryhtao ya. Tuhke rokẽ morara tykase ywy oya.

2 Tuisa 6:31

— Kuetapako, Ritonõpo, Eriseu zupuhpyry onykohpopyra jahtao seroae ro, tykase tuisa tykohtase.

Saumu 141:5

Otarame zae exiketõ juãnohnõko mã toto, otarame jupokãko roropa mã toto ypynotome toto ahtao; yrome popyra exiketomo a jeahmary se pyra ase ipunaka. Oturukehpyra ase Ritonõpo a popyra ehtoh poko exiketõ akorekehkatohme eya.

Jeremia 38:14

Mame tuisa Zetekia a tonehpose ywy tyya, Omõtoh oseruaõ pona Ritonõpo Tapyĩ tao. Ynara tykase ynororo ya: — Jeremia, ekaropory se ase oya, zuaro oehtoh onẽpyra exiko ywinoino.

Jeremia 42:4

Ynara ezukuase: — Ỹ, kure! Oturũko ase Ritonõpo Oesẽkomo a, õmirykõ moĩko ase. Imeĩpo aomihpyry ekarõko ase oya xine. Inekarory ononẽpyra ase, emero ekarõko ase oya xine.

Tanieu 4:19

Morara kary etaryke Tanieu a, esety akorõ Peutesazaa, tõserehse ynororo, otupĩko rokẽ kynexine aporo. Mame tuisa ynara tykase: — Peutesazaa, torẽtyke pyra exiko moro josenehtopõpyry poko, moro enetupuhtoh poko roropa. Yrome ynara tykase Tanieu: — Tuisa, kurehxo ya exiry, õsenehtopõpyry opoko pyra ahtao, oepetõkara poko ahtao!

Mikeja 2:7

Popyra ehtoh enehpõko Ritonõpo nae Izyraeu tõ wãnohtohme? Tohne toehse Ritonõpo nae? Kyzehno xine aexiryke moro rĩko nahe? Ynara ãko Ritonõpo mana: — Ajohpe pyra, jomiry kure ehtoh enehnõko mana zae ehtoh poko exiketomo a.

Numeru 23:17

Naeroro tooehse ropa Paraão, tõseporyse Parake maro tynyahkahpyry pũto, Moape tõ tamuximãkõ maro. Parake a tõturupose eya Ritonõpo nekarohpyry poko.

Mateu 26:63

Yrome mynyhme rokẽ Jezu kynexine. Morara exiryke ynara tykase ropa Ritonõpo maro oturuketõ tuisary eya: — Ritonõpo Kapuaõ kuenetorỹko mana. Awãnohnõko mana zae pyra jezukuruhtao oya. Morara exiryke zae yna zuruko. Ritonõpo nymenekahpyry hmahno? Yna kurãkaneme? Ritonõpo mũkuru nymyry mahno, tykase ynororo tõturupose.

Ruti 1:17

Otokohne oorikyryhtao, moroto roropa orihnõko ase. Moroto jekepyry zonẽnõko toh mana. Juãnohpory se ase Ritonõpo a orumekaryhtao ya jorihtoh ponãmero.

1 Samueu 14:44

Mame ynara tykase Sauu: — Kuetapako, Ritonõpo, umũkuru onetapara jahtao, tykase.

1 Samueu 20:13

Yrome oryhmary se papa ahtao, ourũko ropa ase. Aaropõko ase mya õsewomatohme. Morara ãko ase oya Ritonõpo netaryme. Mame Ritonõpo amaro ehtoh se ase, papa maro aehtopõpyry saaro.

1 Samueu 25:22

Seromaroro Napau tõ etapãko sytatose ipoetory tõ maro, orutua kõ ahtao emero enahkãko sytatose sero koko ẽmehpyra ahtao ro, tykase. ‘Kuãnohko, Ritonõpo, tokurehse jahtao,’ ” tykase.

1 Samueu 3:16

Yrome Eri a Samueu tykohmase tõturupotohme. Ynara tykase ynororo: