1 Samueu 3:10 - Ritonõpo Omiry: A Bíblia Sagrada na língua Aparai do Brasil

¹⁰ Mame tykohmazomose ropa Samueu Ritonõpo a: — Aimo, Samueu, tykase. — Ỹ, oturuko. Oetãko ase, tykase ynororo Ritonõpo a.

1 Samueu 3:10 ပူးပေါင်းရင်းမြစ်များ

Jozue 5:14

— Arypyra, amaro xine pyra, oepetõkara maro pyra roropa ase, tykase ynororo. — Ywy ase Ritonõpo poetory tõ Esemy, Oesẽkomo. Tosekumuru po typorohse Jozue tõmyty po nono pokoxi eahmatohme. Ynara tykase ynororo: — Taro ase, Tuisa, õmipona jehtohme. Oty ripory se hma ya?

1 Samueu 12:2

Seromaroro tosẽke matose ãkorehmanekõme zae ehtoh poko aarotohkõme. Ywy tamuhpõme toehse, jũsety karimutume toehse, ypoenõ amaro xine mã toto. Moino ro poetome ro jahtao ãkorehmanekõme exiase seromaroro pona ro.

1 Samueu 3:11

Mame tõturuse Ritonõpo Samueu maro. Ynara tykase: — Taroino Izyraeu tõ wãnohnõko ase yronymyryme. Moro poko etaryhtao imehnomo a oserehnõko mã toto.

1 Samueu 3:15

Mame moro totase tyya ahtao tohrame toehse ynororo ẽmepyry pona ro. Mame tõmehse ahtao towõse ynororo Ritonõpo Tapyĩ apuruhmakase. Yrome Ritonõpo Omihpyry ekarory poko ihxipỹke nexiase Eri a.

1 Samueu 3:21

Mame Ritonõpo oturukehpyra ehse Samueu maro Xiro po, aosenepotopõpyry po. Aomihpyry tokarose ahtao Samueu a otato Izyraeu tõ toehse.

1 Samueu 3:8

Mame oseruao ehtoh po tykohmase ropa Samueu Ritonõpo a: — Aimo, Samueu, tykase ropa Ritonõpo. Mame towõse ropa Samueu. Toytose ropa ynororo Eri nyhtoh taka. — Kykohmã tokoh ro? tykase ynororo, tõturupose Eri a. Mame tonetupuhse Eri Ritonõpo omiry poko, Samueu kohmãko Ritonõpo nexiase.

1 Samueu 3:9

Ynara tykase ynororo Samueu a: — Ytoko ropa, onyhta ropa. Mame okohmazomoryhtao, ynara kaxiko: “Oturuko, Ritonõpo, Õmiry etãko ase,” kaxiko, tykase Eri Samueu a. Mame toytose ropa Samueu tynyhtoh taka.