1 Samueu 28:6 - Ritonõpo Omiry: A Bíblia Sagrada na língua Aparai do Brasil

⁶ Tõturupose ynororo Ritonõpo a oty ritohme repe. Yrome onezuhpyra Ritonõpo nexiase aosenety ae, urutõ ae, Urim ae, enara.

1 Samueu 28:6 ပူးပေါင်းရင်းမြစ်များ

2 Samueu 22:42

Takorehmanekõ zupĩko toh mã repe, yrome arypyra, toto pynanohne pyra mana; Ritonõpo a kohtãko roropa toh repe, yrome onezuhpyra mana.

Saumu 74:9

Onyriry tõ ajamitunuru ke onenepyra toehse yna, urutõ pyra toehse roropa mana; otara ahtao serara sã exikehnõko ropa nae? Zuaro pyra ynanase.

Exutu 28:20

atakenaka 4mano ao periro, onixi, jasape, enara. Morohne tyriko uuru pokona.

Exutu 28:30

Puropu apuru pokona Urim tyriko Tumĩ maro Arão eano po sã Izyraeu tõ ehtohme jẽpataka tooehse ynororo ahtao. Morara ahtao puropu apuru enẽko mana ise jehtoh waro ehtohme tyripotohme Izyraeu tomo a.

Porowepio 27:1

Epyrypara exiko õsenetupuhtoh poko onyriry poko kokoro, zuaro pyra oexiryke otara exĩko kokoro.

Jeremia 23:28

Urutõ tõsenehse ahtao, ah tõsenety nekarono aosenetyme rokẽ rahkene. Yrome jomiry etaryhtao urutono a zae moro ekarory ripõko ase imehnõ netaryme. Otyme kure tiriiku pihpyry, jomiry tiriiku puhturu nymyry sã mana?

Ramẽtasão 2:9

Omõtoh apuru tõ tonẽse mã kehko typahsẽ ao, ikyryry tõ tytahkase mana. Tuisa tarose tamuximãkõ maro imepỹ nono pona. Ritonõpo omiry poko anamorepara toehse, urutõ komo a enepotoh onekaropyra toehse Ritonõpo mana.

Joeu 2:28

Ynara tykase Ritonõpo typoetory tomo a: “Moromeĩpo Juzenu enehpõko ase opona xine, emero porehme: omũkurukõ Jomiry ekarõko mã toto, oẽxirykõ roropa. Tamuhpomãkõ osenehnõko mã toto, nuasemãkõ Ritonõpo nenepotoh enẽko mã toto.

Rewitiku 8:8

Ipuropuru apuru tyrise roropa eya Arão zupõme, ipoko Urim tyrise eya Tumĩ maro.

Mikeja 3:7

Imeĩpo ehtoh enetupuhnanõ ehxirõko mã toto. Ezuhtoh anapoipyra exĩko mã toto Ritonõpo poe. Morara exiryke typoremãse sã exĩko mã toto, ihxipỹke exĩko.

Numeru 12:6

ynara tykase Ritonõpo: — Seromaroro, etatoko ke jotururu oya xine. Urutõ tõ nae ahtao arãnao xine osenepõko ase eya xine enepotoh ae te, oturũko ase roropa toto maro aosenetykõ ae.

Numeru 27:21

Oturukety Ereaza omiry etãko mana ise jehtoh waro ehtohme. Ereaza ise jehtoh waro exĩko mana Urim eneryke eya Tumim maro. Moro ke Jozue amorepãko mana Izyraeu tõ maro ise jehtoh ritohme eya xine emero.

Mateu 1:20

Mame moro poko aemynyhmaryhtao ro taosenehkase ynororo Ritonõpo a. Ynara tykase Ritonõpo nenyokyhpyry aosenety eya: — Aimo Joze, Tawi paryme mase. Etako pahne, torẽtyke pyra exiko Maria poetoẽme exiry poko. Mokyro apoiko opytyme. Ritonõpo Zuzenu poe poetoẽme mã ynororo.

João 9:31

Iirypyrymãkõ omiry onetara Ritonõpo mana. Moro waro sytatose. Yrome tõmiry omipona se exiketõ etãko mana. Tõmipona exiketõ etãko roropa mana, enara rokene.

Teuteronomiu 33:8

Rewi tõ poko ynara tykase ynororo: “Ritonõpo, tyriry se oehtoh enetupuhpõko mase Urim ke, Tumĩ maro opoetory tomo a, anamonohpyra exiketomo a, Rewi tomo a. Tukuhse toh nexiase oya Masa po. Mame tuna enatyry tõ pũto Meripa po zae toto ehtoh menepoase.

Tiaku 4:3

Mame Ritonõpo a ekaroporyhtao oya xine anapoipyra ro matose, Ritonõpo omipona se pyra oexirykõke, openetatohkõ se rokẽ oexirykõke. Morara awahtao xine azahkuru matose.

1 Samueu 14:37

Naeroro Sauu tõturupose Ritonõpo a: — Pirixteu tõ etapase ytõko hano? Toto poremãkapõko mah yna a? tykase Sauu Ritonõpo a repe. Yrome moro ae onezuhpyra Ritonõpo kynexine.

1 Samueu 28:15

Ynara tykase Samueu Sauu a: — Oty katohme kuerekohmano? Oty katohme kuenehporopa xiaro? tykase. Sauu a tozuhse, ynara tykase: — Etuarimãko ase yronymyryme! Pirixteu tõ etonãko toh mana, yporemãkapõko mã toto, turumekase roropa ywy Ritonõpo a. Jezuhpyra toehse ynororo ekaroporyhtao ya, urutõ ae te, aosenety ae kara roropa mana. Naeroro oya oehno jurutohme. Oty rĩko ahno? tykase Sauu.

1 Samueu 28:5

Mame pirixteu tõ soutatu tõ tonese ahtao Sauu a tonaroxitapãse ynororo, enaromỹke toehse yronymyryme.