1 Samueu 28:2 - Ritonõpo Omiry: A Bíblia Sagrada na língua Aparai do Brasil

² Tawi a tozuhse, ynara tykase: — Ỹ, taro ynanase ãkorehmatohme! Amaro yna ahtao orẽpyra yna ehtoh enẽko mase, tykase ynororo. — Kure, tykase Akixi, jũme jewomaneme orĩko ase, tykase ynororo Tawi a.

1 Samueu 28:2 ပူးပေါင်းရင်းမြစ်များ

Romanos 12:9

Ajohpe pyra ehtoko imehnõ pyno oexirykõ poko. Oorypyrykõ zehno ehtoko. Zae se rokẽ ehtoko.

1 Samueu 1:22

Ana rokẽ ytopyra nexiase morome. Ynara tykase ynororo tynio a: — Meta, ytopyra ase aporo amaro xine, umũkuru suhsu ẽnõko ro exiryke. Tõkehse ahtao rokẽ mose arõko ase ekarotohme Ritonõpo a, Kuesẽkomo a, mame jũme moroto exĩko mana, tykase jeny.

1 Samueu 1:28

Morara exiryke seromaroro mose umũkuru ekarõko ase Kuesẽkomo a, jũme ipoetoryme aehtohme toorikyry ponãmero, tykase Ana Eri a. Mame Ritonõpo toahmase eya xine moroto.

1 Samueu 27:10

Mame Akixi tõturupose Tawi a: — Aza mytotou seroae etonase? tykase Akixi. Mame Tawi a tozuhse: — Ikurenaka Juta nonory pona te, ikurenaka Jerameeu nonory pona te, ikurenaka keneu tõ nonory pona, tykase rokẽ eya.

1 Samueu 29:2

Mame atakenaka pirixteu tõ tuisary 5mãkõ toytose, oximõme tysoutatu tõ maro: 100mãkomo te, 1.000mãkomo te, tosẽkõ maro toytose toto. Mame toto etyhpyryme Tawi tõ ytoytõko roropa nexiase Akixi tõ maro.