1 Samueu 28:14 - Ritonõpo Omiry: A Bíblia Sagrada na língua Aparai do Brasil

¹⁴ — Onoky sã hnae ynororo, tykase, tõturupose. — Tamuhpomano, tupoke mosã ke, tũtãko mana, tykase nohpo. Mame Samueume aexiry tonetupuhse Sauu a. Tosekumuru po typorohse ynororo, tõmyty po nono pokoxi “Imehxo mase,” katohme Samueu a.

1 Samueu 28:14 ပူးပေါင်းရင်းမြစ်များ

1 Tuisa 19:19

Morarame Eria toytose oseporyse Eriseu maro, tupito poko aerokuruhtao. Imaro 12me pui asasakoro erohnõko kynexine. Asakoro pui etyhpyrymã ke erohnõko kynexine ynororo. Mame Eriseu pũtokoxi toytose Eria ahtao tupõ jaraono tomase eya Eriseu pona.

2 Tuisa 1:7

— Oty sã nexi ynororo? tykase tuisa.

2 Tuisa 2:8

Mame tupõ jaraõ tupokase Eria a, tamẽse eya, mame moro ke tuna totapase eya. Typipohse tuna ahtao tãtapiakase, mame Eriseu maro takuohse toto nono tonorẽ poro.

1 Samueu 15:27

Mame toeramase ropa Samueu toytotohme ropa. Yrome zupõ tapoise Sauu a ehpiry poko, tyxihkase roropa zupony.

1 Samueu 24:8

Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.

1 Samueu 28:13

— Oserehpyra exiko, tykase Sauu eya. — Oty enẽko mah? — Ahno akuaryhpyry enẽko ase tũtãko nono ae, tykase nohpo.