1 Samueu 27:12 - Ritonõpo Omiry: A Bíblia Sagrada na língua Aparai do Brasil

¹² Mame “Zae rokẽ Tawi” tokarose Akixi a. Ynara tykase ynororo: — Osepeme pyra toehse Tawi tyekyry tõ maro, Izyraeu tõ maro. Jũme ypoetoryme exĩko mana, tykase Akixi.

1 Samueu 27:12 ပူးပေါင်းရင်းမြစ်များ

Jenexi 34:30

Mame ynara tykase Jako tumũkuru tomo a, Ximeão te, Rewi maro: — Opokoino xine tupime toehse ya. Imeimehnõ yzehno exĩko mã toto, Kanaã põkomo te, perizeu tomo te, sero nono põkõ emero. Tuhke pyra sytatose, tuhke pyra orutua komo. Yzehnotokõ tõximõse ahtao etonatohme ymaro, kyporemãkapotorỹko mã toto, kuenahkatorỹko mã toto kypoenõkõ maro.

2 Samueu 10:6

Morarame tonetupuhse Amõ põkõ topeme pyra Tawi tõ tyrise tyya xine exiry poko. Morara exiryke xirio tõ soutatu tõ 20 miume topehmase eya xine Pete-Reope põkomo te, Zopa põkõ maro. Maaka põkõ esẽ roropa toahmase eya xine miume soutatu tõ maro te, Tope põkõ roropa 12 miumãkõ maro.

Exutu 5:21

Ynara tykase toto: — Onyrirykõ enẽko Ritonõpo mana. Awãnohtorỹko mana. Opokoino xine yna zehno tuisa mana, ipoetory tõ roropa yna zehno mã toto. Opokoino xine yna orihmapõko mã toto.

1 Samueu 13:4

Sauu a pirixteu tõ soutatu esẽ totapase. Naeroro seromaroro Izyraeu tõ zehno mã toto,” tykase. Mame imoihmãkõ toytose Sauu a Kiukau pona.

1 Samueu 27:11

Yrome ahno onynamara nexiase Tawi. Tynamase toto ahtao Kate pona toto ytoryino, pirixteu tõ zururuino Tawi nyrihpyry poko. Morara Tawi tõ nexiase pirixteu tõ esary po.

1 Samueu 28:1

Moromeĩpo pirixteu tomo a tysoutatu tõ tonehpose, oximõme toto ehtohme etonatohme Izyraeu tõ maro. Mame Akixi ynara tykase Tawi a: — Zuaro oehtohme ourũko ase, ymaro etonatoh pona ytõko matose jakorehmananõme, tykase.