1 Samueu 26:8 - Ritonõpo Omiry: A Bíblia Sagrada na língua Aparai do Brasil

⁸ Mame Apisai ynara tykase Tawi a: — Seroae ozehnoto tokarose Ritonõpo a oya. Sauu uwoxi, iwaratã ke ro, nono po ahtao ro, toiro rokẽ tuõko ase. Onuozomopyra ropa ase, tykase Apisai.

1 Samueu 26:8 ပူးပေါင်းရင်းမြစ်များ

2 Samueu 16:9

Mame ynara tykase Apisai, Zeruia mũkuru tuisa a: — Otyme kure okerekeremary mokyro a, tuisa? Ahno xihpyry rokẽ mose ro, ahtao ytoxi mose zupuhpyry sahkase, tykase.

Saumu 31:8

Japoipopyra mexiase jepetõkara a. Osa konõto mekaroase ya, jytotohme jytory se jehtoh pona torẽtyke pyra.

Jeremia 40:15

Mame ynara tykase Joanã eya rokene, imehnõ netaryme pyra: — Kuaropoko Iximaeu etapatohme; imehnõ tuaro pyra exĩko onoky a mokyro totapase. Oty katoh oetapapõko ynanae eya? Morara toehse ahtao juteu tõ emero amaro exiketõ atahpahnõko mã toto. Mame tarõkõ Juta nonory põkõ ehxirõko mã toto.

Naum 1:9

Oty poko osenetupuhnõko matou tyritohme Ritonõpo a, iporemãkatohme? Morohne enahkapõko mana porehme. Ritonõpo epetõkara owõpyra ropa mã toto!

Romanos 11:32

Oxisã toehse juteu tomo juteutõkara maro Ritonõpo a, aomipona pyra toexirykõke. Morara exiryke oxisã toto pynanohnõko roropa Ritonõpo mana.

Teuteronomiu 32:30

Oty katohme miumãkõ toepase toh nexiase toiro rokẽ topetõkara winoino? Oty katohme 10 miumãkõ toepase, tokahmase ahtao asakoro ahno a? Towomanekomo a turumekase toto exiryke; tokamose toto Ritonõpo a epetõkara a.

Jozue 21:44

Mame totonakehse toto, oxiehno pyra toehse imehnõ katonõ maro, Ritonõpo omihpyry ae ro itamurukomo a. Epetõkara emero typoremãkase Izyraeu tomo a orẽpyra toto tyripose Ritonõpo a exiryke.

Juize 1:4

Juta tõ maro topekõkara poremãkapose oximaro. Mame orẽpyra tyripose toto Ritonõpo a, kananeu tõ typoremãkapose eya xine, perizeu tõ roropa. 10 miume orutua kõ totapase eya xine Pezeke po.

1 Samueu 23:14

Mame ona po tõtonẽse Tawi nexiase ypy htao roropa otonẽtoh tao Zipe pũto. Sauu a tupise ynororo repe, yrome onekaropyra Ritonõpo nexiase eya.

1 Samueu 24:4

Ynara tykase ipoetory tõ Tawi a: — Sero poko turuse mexiase Ritonõpo a, ynara tykase ynororo: “Ozehnotokõ ekarõko ase oya openetatopõpyry ae ro tyritohme.” Mame Tawi toytose omatome Sauu a. Zupõ ehpiry apopohse eya.

1 Samueu 24:5

Moromeĩpo toehxirose ynororo Sauu zupõ ehpiry apopohxĩpo tyya.

1 Samueu 26:23

Kuepehmãko Ritonõpo mana zae kuahtao xine, aomiry tymoise kyya xine ahtao. Seroae oekarõ Ritonõpo ya yrome oetapara akene, Ritonõpo nymenekahpyryme oexiryke.

1 Samueu 26:7

Naeroro toytose toto, asakoro rokene, koko. Moroto Sauu tonese eya xine, nyhnõko soutatu tõ rãnao, iwaratã potyry nono aka xikihme tyrise, zupuhpyry pũto. Apinea tõ, soutatu tõ maro, nyhnõko rokẽ toh nexiase.

1 Samueu 26:9

Yrome Apisai tozuhse Tawi a. Ynara tykase: — Onuopyra exiko. Tuohpõ wãnohnõko Ritonõpo mana, tynymenekahpyryme aexiryke Izyraeu esẽme.