1 Samueu 26:7 - Ritonõpo Omiry: A Bíblia Sagrada na língua Aparai do Brasil

⁷ Naeroro toytose toto, asakoro rokene, koko. Moroto Sauu tonese eya xine, nyhnõko soutatu tõ rãnao, iwaratã potyry nono aka xikihme tyrise, zupuhpyry pũto. Apinea tõ, soutatu tõ maro, nyhnõko rokẽ toh nexiase.

1 Samueu 26:7 ပူးပေါင်းရင်းမြစ်များ

Jenexi 45:19

Kahosa tõ aropoko orui tomo a typyxiãkõ enehtohme te, typoenõkõ maro te, tumykõ maro, enara.

1 Samueu 17:20

Yrokokoro towõse Tawi pakeimo, toky tõ tynomose eya imepỹ maro, tonahsẽ tapoise, mame toytose tumy omi poe. Toeporehkase ynororo Izyraeu tõ ytory zano etonatoh pona. Kohkohtãko toh nexiase orẽpyra exiketõ samo.

1 Samueu 26:6

Mame Tawi maro Aimereke, heteume exikety nexiase, Apisai maro. Apisai rui Joape nexiase, jẽkõ esety Zeruia nexiase. Mame tõturupose Tawi eya xine: — Onoky ymaro ytõko nah Sauu tõ enese? tykase Tawi. — Ywy, tykase Apisai. — Amaro ytõko ase, tykase.

1 Samueu 26:8

Mame Apisai ynara tykase Tawi a: — Seroae ozehnoto tokarose Ritonõpo a oya. Sauu uwoxi, iwaratã ke ro, nono po ahtao ro, toiro rokẽ tuõko ase. Onuozomopyra ropa ase, tykase Apisai.