1 Samueu 26:21 - Ritonõpo Omiry: A Bíblia Sagrada na língua Aparai do Brasil

²¹ Mame ynara tykase Sauu: — Iirypyryme ase, azahkuru exino ipunaka. Osehko ropa Tawi umũkuru! Typynanohse oya jexiryke seroae, oryhmary onukuhpyra ropa ase. Ajoajohpe exiketyme toehse ase, rowohpe exikety samo, tykase Sauu.

1 Samueu 26:21 ပူးပေါင်းရင်းမြစ်များ

2 Tuisa 1:13

Morarame imepỹ kapitão taropose ropa tuisa a, 50me orutua kõ maro. Tõnuhse ynororo ypy pona. Mame tosekumuru po typorohse ynororo Eria ẽpataka ynara tykase: — Urutono Ritonõpo poe, Ajohpãme sã yna pyno exiko, ywy, ypoetory tõ maro. Yna onenahkapopyra exiko.

2 Tuisa 1:14

Asakoro kapitão tõ ipoetory tõ maro, tyahkase apoto ke kapu ae ayhtohpyry. Yrome yna pyno exiko ajohpãme samo.

Saumu 116:15

Sam ãko Ritonõpo mana typoetory poko aorikyry eneryhtao eya!

Saumu 49:8

isene ahno ehtoh typyne kuhse exiry mana. Tineru itamurume nae ahno ahtao ro ipune pyra exiry mana,

Saumu 72:14

Mokaro pynanohnõko mana irohmanohpotoh winoino te, etaetapatoh winoino roropa; isene toto ehtoh sehxo mana ipunaka.

Exutu 9:27

Moeze tykohmapose tuisa a, Arão maro. Ynara tykase ynororo: — Toerypymase ywy seromaroro. Zae Ritonõpo Oesẽkõ mana. Ywy, ypoetory tõ maro, azahkuru ynanase.

Numeru 22:34

Mame ynara tykase Paraão Ritonõpo nenyokyhpyry a: — Iirypyryme toehse ywy. Zuaro pyra exiase moroto osema tao oehtopõpyry poko jetypohkapotohme. Yrome seromaroro jytory se pyra awahtao morotona, eramãko ropa ase tapyi taka ropa.

Mateu 27:4

— Iirypyryme ase ahno kurã towokase ya exiryke. Mokyro orihmapory se pyra ase, tykase ynororo eya xine repe. Yrome oty kara toh kynexine. — Kũ omorohko, tykase rokẽ toto eya.

1 Samueu 13:13

— Onyrihpyry zae pyra kynako, rowohpã nyriry sã kynako! tykase Samueu. — Ritonõpo Kuesẽkõ omihpyry omipona pyra mexino. Aomipona nymyry toehse awahtao jũme tuisame mexiry. Omũkuru roropa te, apakõ roropa Izyraeu tõ esẽme exiry toto, jũme.

1 Samueu 15:24

— Tyyrypyhpyke ase, tykase Sauu, — Ritonõpo Kuesẽkõ omihpyry omipona pyra toehse jexiryke. Õmihpyry roropa omipona pyra toehse ywy. Ahno zuno jexiryke, ise toto ehtoh tyrise ya.

1 Samueu 15:30

— Tyyrypyhpyke ase, tykase ropa Sauu. — Ajohpãme sã kure kuekaroko Izyraeu tõ esẽ neneryme, imoihmãkõ neneryme roropa. Ymaro eropa Ritonõpo Oesẽ eahmase oximaro, tykase.

1 Samueu 18:30

Mame pirixteu tõ tooehse ahtao osetapase Izyraeu tõ maro Tawi tõ toytose toto poremãkapose. Mame imehnõ Sauu poetory tõ esã motye Tawi orẽpyra toehse emese kure toexiryke; imehxo aexiry waro toehse toto emero.

1 Samueu 24:17

Mame ynara tykase ynororo Tawi a: — Zae mase. Ywy ase zae pyra. Kure rokẽ kyriase yrome oryhmary se rokẽ exiase.

1 Samueu 26:22

— Seny opyre, tuisa, awaratany, tykase Tawi. — Ah toiro opoetory noehno xiaro opyre apoise.

1 Samueu 26:24

Opynanopyase seroae isene oehtohme. Moro saaro ypynanopyry se ase Ritonõpo a isene jehtohme yporemãkapopyra imehnõ ehtohme, tykase Tawi.

1 Samueu 27:4

Mame tutuarõtase Sauu ahtao Tawi epatopõpyry poko Kate pona, tupikehse ynororo eya rahkene.