17 Tawi omiry tonetupuhse Sauu a, ynara tykase ynororo: — Aimo, omoro mah umũkuru Tawi? tykase. — Ỹ, ywy ase! tykase Tawi Sauu a.
Zuponỹpyry tonetupuhse Jako a. Ynara tykase ynororo: — Ỹ umũkuru zuponỹpyry sero! Tosekase otarame onokyro a, otarame tõse.
Mame tõturukehse Tawi ahtao, ynara tykase Sauu: — Omoro nymyry mahno, umũkuru Tawi? Mame tyxitapitose ynororo.
Mame ynara tykase ynororo Tawi a: — Zae mase. Ywy ase zae pyra. Kure rokẽ kyriase yrome oryhmary se rokẽ exiase.
Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.