1 Samueu 26:11 - Ritonõpo Omiry: A Bíblia Sagrada na língua Aparai do Brasil

¹¹ Yrome ywy, Ritonõpo nymenekahpyry onetapara ase. Ipyre rokẽ enehta itunary ẽ maro. Mame eropa ropa, tykase Tawi Apisai a.

1 Samueu 26:11 ပူးပေါင်းရင်းမြစ်များ

2 Samueu 1:14

— Oty katohme Ritonõpo nymenekahpyry tuisame etapary poko enaromyra makehne? tykase.

2 Samueu 1:16

Apitoryme ynara tykase Tawi amarekita a: — Mehxirono, azahkuru oehtoh poko: “Sauu, Ritonõpo nymenekahpyry totapase ya,” karyke oya.

2 Samueu 19:22

Yrome ynara tykase Tawi Apisai a irui Joape a roropa: — Õsenetuputyry onekaropopyra akene. Seroae jakorekehkãko matose. Seromaroro Izyraeu tuisaryme ase. Naeroro orihpyra Izyraeu tõ mã exĩko seroae.

Saumu 17:4

imehnõ orutua kõ sã pyra ase. Õmihpyry omipona toehse ywy, imehnõ ryhmananõ ehtoh sã pyra ase.

Romanos 12:17

Popyra orirykohtao imehnomo a emỹpopyra ehtoko. Kure ehtoh poko rokẽ ehtoko imehnõ neneryme emero, zae oehtohkõ waro toto ehtohme.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.

1 Peturu 3:9

“Kurã rokẽ ekarõko ase oya xine,” tykase Ritonõpo kyya xine tymenekase kuahtao xine. Naeroro oryhmananõkõ onyryhmara ehtoko. Popỹ ke pohnõ onepehmara ehtoko. Okerekeremananõkõ onykerekeremara ehtoko. Kurã ke rokẽ epehmatoko toto.

1 Samueu 12:3

Taro ase. Zae pyra toehse jahtao kyhxirotoko Ritonõpo neneryme, ynymenekahpyry tuisame neneryme roropa. Otarame imepỹ eky tomatonanohse ya, pui te, jumẽtu? Otarame imepỹ tonekunohse ya te, otarame imepỹ tyrohmanohpose ya? Otarame tineru tapoise ya zae ehtoh tyorõmatohme repe? Morara toehse jahtao ynapoihpyry ekarõko ropa ase, tykase Samueu.

1 Samueu 24:12

Ritonõpo kuapiakãko mana, zae pyra exikety wãnohnõko mana. Ynoro rokẽ oepehmãko mana zae pyra onyrihpyry poko ya. Yrome ywy oetapara ase.

1 Samueu 24:4

Ynara tykase ipoetory tõ Tawi a: — Sero poko turuse mexiase Ritonõpo a, ynara tykase ynororo: “Ozehnotokõ ekarõko ase oya openetatopõpyry ae ro tyritohme.” Mame Tawi toytose omatome Sauu a. Zupõ ehpiry apopohse eya.

1 Samueu 24:6

Ynara tykase ynororo typoetory tomo a: — Azahkuru akene, moro riryhtao ya Ritonõpo nymenekahpyry a, kutuisarykõme tymenekase aexiryke Ritonõpo a, tykase ynororo.