1 Samueu 25:5 - Ritonõpo Omiry: A Bíblia Sagrada na língua Aparai do Brasil

⁵ Naeroro typoetory tõ taropose Tawi a, 10me, nuasemãkomo. Ynara tykase ynororo eya xine: — Ytotoko Napau a, Karameru pona, oturutatoko.

1 Samueu 25:5 ပူးပေါင်းရင်းမြစ်များ

Jenexi 43:23

Ynara tykase tapyi erase eya xine: — Torẽtyke pyra ehtoko. Enaromyra ehtoko. Ritonõpo Oesẽkomo, omykõ Esẽme roropa mana, kure rokẽ oritorỹko mana. Eya otarame otinerũkõ tyrise saku tõ aka tonahsã maro. Ya otinerũkõ tapoise topehmase oya xine ahtao. Mame Ximeão tonehse tapyi erase a eya xine.

1 Koronika 12:18

Morarame toiro orutua maro toehse Ritonõpo Zuzenu yronymyryme. Esety Amasai kynexine, imeĩpo “30mãkõ” tuisaryme toehse ynororo. Ynara tykohtase ynororo: — Tawi, Jese mũkuru, opoetoryme ynanase! Kure rokẽ oriry se ynanase. Kure exĩko roropa ãkorehmananõ mana! Amaro Ritonõpo mana. Mame osepeme toto tapoise Tawi a, typoetory tõ tuisaryme toto tyrise eya.

1 Samueu 17:18

Keiju tõ roropa aroko 10me toto esẽ napyryme. Orui tõ eneta kure toto ehtoh waro jehtohme. Mame tooehse ropa awahtao toto ekary etary se ase, kure toto tonese oya exiry waro jehtohme.

1 Samueu 17:22

Tynarotyã tynomose Tawi a mõkomo erase maro. Mame tururume toytose ynororo etonatoh pona turui tõ eporyse, ekaropose roropa kure toto ehtoh poko.

1 Samueu 25:4

Mame ona po Tawi ahtao, tutuarõtase ynororo Napau poko, toky tõ hpokary poko, typoetory tõ maro.

1 Samueu 25:6

Ynara kahtoko eya: “Kure pãna ma repe! Oepe Tawi omi poe ynanoehno oya, tãtaomihpykase ynororo. Kure rokẽ oehtohkõ se ynororo atapyĩ taõkõ maro. Okynã oexiry se roropa mã ynororo sero nono po.