1 Samueu 25:3 - Ritonõpo Omiry: A Bíblia Sagrada na língua Aparai do Brasil

³ Ipyty esety Apikaiu nexiase, nohpo kurano, tuaro exiketyme roropa nexiase. Yrome mokyro inio ajoajohpe exiketyme nexiase. Mame toky tõ kaneru hpokãko nexiase moroto Karameru po.

1 Samueu 25:3 ပူးပေါင်းရင်းမြစ်များ

Jenexi 12:11

Morarame eporehkasasaka Aparã tõ ahtao Ejitu pona, ynara tykase ynororo typyty Sarai a: — Etako pahne! Nohpo enekurã mase, oryxime ipunaka.

Saumu 10:3

Popyra ehtoh poko exiketõ epyrypãko mã toto typenetatohkõ poko. Tyamene se exiketõ imehnõ ryhmãko mã toto, popyra ehtoh tyripõko mã toto Ritonõpo a, tosẽkõme Ritonõpo onenetupuhpyra mã toto.

Porowepio 14:1

Nohpo tuaro exiketyme ahtao tytapyĩ taõkõ esary rĩko mana, yrome tomary ke tytapyĩ kararahnõko tuaro pyra exikety mana.

Porowepio 19:14

Tumykõ mõkomohpyry apoĩko imũkuhpyry mana: tapyi te, tineru tõkehko maro, yrome Ritonõpo rokẽ mã tuaro exikety ekarõko ipytyme mana.

Porowepio 30:22

Ahno namoto tuisa konõtome toehse ahtao; putupyra exikety typenetatoh emero nae ahtao tonahsẽme;

Porowepio 31:10

Mame opytyme nohpo kurã enery tupime mana. Kure aexiry topu tõ typyne exiketõ motye mana.

Porowepio 31:26

Tuaro ehtoh ke oturũko mana, imehnõ poko tonupunaryke toto zurũko mana.

Jozue 15:13

Ritonõpo omihpyry ae ro Jozue toehse, Juta tõ nonory zokonaka tokarose Karepe a, Jepone mũkuru. Naeroro Eperõ tokarose eya Jozue a, Arapa patahpyry, Anake zũ patahpyry.

1 Samueu 25:17

Seromaroro osenetupuhko ikurãkatohme ropa. Osenahkãko rokẽ sytatose emero Napau pokoino. Ajoajohpe exiryke imaro imehnõ oturusaromepyra mã toto, tykase ipoetory.

1 Samueu 25:25

Naeroro torẽtyke pyra exiko Napau poko ajoajohpe rokẽ aexiryke. Tosety sã ynororo mana. Putupyra exiketyme esety Napau. Yrome onenehpotyã, aimo tõ onenepyra akene.

1 Samueu 25:4

Mame ona po Tawi ahtao, tutuarõtase ynororo Napau poko, toky tõ hpokary poko, typoetory tõ maro.

1 Samueu 30:14

Toytose ynanexiase keretita tõ poremãkase, Juta tõ nonory kurenaka, Karepe ekyry tõ esaka roropa, mame pata Zikirake tyahkase yna a, tykase.