1 Samueu 25:25 - Ritonõpo Omiry: A Bíblia Sagrada na língua Aparai do Brasil

²⁵ Naeroro torẽtyke pyra exiko Napau poko ajoajohpe rokẽ aexiryke. Tosety sã ynororo mana. Putupyra exiketyme esety Napau. Yrome onenehpotyã, aimo tõ onenepyra akene.

1 Samueu 25:25 ပူးပေါင်းရင်းမြစ်များ

2 Samueu 13:33

Naeroro zae pyra: “Opoenõ emero totapase,” katopõpyry. Amanõ rokẽ totapase.

Porowepio 29:7

Zae ehtoh poko exikety osenetupuhnõko mana tymõkomokãkara ewomary poko, yrome popyra exiketõ mokaro poko osenetupuhpyra mã toto.

Izaja 32:5

Mame putuhtome exikety onekaropyra mã toto tuaro exiketyme. Ajohpe exikety onekaropyra mã toto tuisamehxo exiketyme.

Izaja 42:25

Naeroro kyzehno xine toehtoh ke tuãnohse sexiatose, toetuarimase roropa sexiatose etonatoh tao. Kyzehno xine aexiry apoto sã nexiase zahnõko Izyraeu tõ rãnao. Yrome zuaro pyra sexiatose. “Otara exĩko nae?” tykase, onenetupuhpyra sexiatose ipunaka.

Marakia 2:2

Oesẽkõme imehxo jyripyra awahtao xine, ynyripohpyry omipona pyra roropa awahtao xine, popyra ehtoh enehpõko ase opona xine. Kure ehtoh riporyhtao oya xine moro myakamãko ase popyra ehtoh ke. Moro tyripose ya pake, imehxo jyripyra toehse oexirykõke.

1 Samueu 25:17

Seromaroro osenetupuhko ikurãkatohme ropa. Osenahkãko rokẽ sytatose emero Napau pokoino. Ajoajohpe exiryke imaro imehnõ oturusaromepyra mã toto, tykase ipoetory.

1 Samueu 25:24

Tawi ẽpataka imyhtokoxi toehse tahtao ynara tykase ynororo eya: — Ajohpãme samo, oturuxi amaro. Ywy ro rokẽ tyyrypyhpyke ase.

1 Samueu 25:26

Seromaroro Ritonõpo a takorehmase omoro imehnõ onetapara oehtohme, emỹpopyra amoreme oehtohme. Ynara se ase Ritonõpo a ozehnotokõ emero tuãnohsẽme, mokyro Napau ehtoh samo.

1 Samueu 25:3

Ipyty esety Apikaiu nexiase, nohpo kurano, tuaro exiketyme roropa nexiase. Yrome mokyro inio ajoajohpe exiketyme nexiase. Mame toky tõ kaneru hpokãko nexiase moroto Karameru po.