1 Samueu 25:24 - Ritonõpo Omiry: A Bíblia Sagrada na língua Aparai do Brasil

²⁴ Tawi ẽpataka imyhtokoxi toehse tahtao ynara tykase ynororo eya: — Ajohpãme samo, oturuxi amaro. Ywy ro rokẽ tyyrypyhpyke ase.

1 Samueu 25:24 ပူးပေါင်းရင်းမြစ်များ

Jenexi 44:18

Mame eponaro toytose Juta, Joze maro oturuse: — Tuisa, ajohpãme sã oturuxi amaro. Yzehno pyra exiko. Sero nonory esẽme mase.

2 Samueu 14:12

— Tuisa, tykase nohpo. — Oturuxi ropa toiro pitiko. — Oturuko, tykase ynororo.

2 Samueu 14:9

— Tuisa, tykase nohpo. — Emero rokẽ riryhtao oya yna akorehmatohme, ywy rokẽ hxirory se hano wekyry tõ maro: “Zae pyra morara,” kananõ nae ahtao. Omoro, tuisa, ohxirory se pyra ase ipunaka oekyry tõ maro, tykase.

2 Samueu 20:17

Joape toytose eya. Mame tõturupose nohpo: — Omoro hma Joape? — Ỹ, Ywy ase, tykase ynororo. — Jomiry etako, tykase nohpo eya. — Etãko ase, tykase ynororo.

2 Tuisa 4:37

Mame tosekumuru po typorohse ynororo Eriseu myhtokoxi, kure Ritonõpo mana, katohme. Mame tumũkuru tapoise eya, toytose ropa.

Exite 8:3

Moromeĩpo tosekumuru po typorohse Exite tuisa ẽpataka. Tyxitase ynororo, tokaropose tuisa a Hamã, Akake ekyrỹpyry nyripohpyry xihpyry tyorõmatohme juteu tõ enahkapotoh exipyra ehtohme.

Porowepio 25:15

Inehmỹke pyra awahtao, axĩ pyra imehnõ tuarõtanohpõko mase ise oehtoh se roropa toto ehtohme, tuisa tõ osenetuputyry tyoromãko roropa mase.

Ekereziaxti 10:4

Ozehno toehse otuisary ahtao oserehpyra exiko, oerohtoh onurumekara exiko; azahkuru oehtoh tykorokasẽme exĩko mana, mokyro epeme exikehpyra awahtao.

Mateu 18:29

— Mame tosekumuru po typorohse mokyro, mokyro ẽpataka. Ynara tykase ynororo eya: “Jesenakorõkorõmara exiko. Kurumekako ropa ajohpãme samo. Oepehmãko ro ase emero,” tykase ynororo eya.

1 Samueu 24:8

Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.

1 Samueu 25:23

Mame axĩ tyhtose Apikaiu jumẽtu poe Tawi tonese ahtao tyya. Tosekumuru po typorohse ynororo nono pona, tõmyty tyrise nono pokoxi.

1 Samueu 25:25

Naeroro torẽtyke pyra exiko Napau poko ajoajohpe rokẽ aexiryke. Tosety sã ynororo mana. Putupyra exiketyme esety Napau. Yrome onenehpotyã, aimo tõ onenepyra akene.

1 Samueu 25:28

Ajohpãme sã zae pyra jehtopõpyry ikorokapoko. Mame Ritonõpo orẽpyra orĩko mana, okynã sã tuisame oehtohme opoenomo te, apakomotyã roropa, enara. Ynara exiryke, Ritonõpo omipona rokẽ etonãko mase. Morara awahtao zae rokẽ mase exĩko oorikyryponãmero, tykase.