1 Samueu 25:23 - Ritonõpo Omiry: A Bíblia Sagrada na língua Aparai do Brasil

²³ Mame axĩ tyhtose Apikaiu jumẽtu poe Tawi tonese ahtao tyya. Tosekumuru po typorohse ynororo nono pona, tõmyty tyrise nono pokoxi.

1 Samueu 25:23 ပူးပေါင်းရင်းမြစ်များ

2 Samueu 1:2

Mame yrokokoro orutua tooehse Sauu tõ esahpyry poe. Toemynyhmary enetupuhpotohme tupõ tyxihkase eya, nono tyrise tupuhpyry pona roropa eya. Toytose ynororo Tawi a. Mame tosekumuru po typorohse ynororo Tawi ẽpataka. Tõmyty nono pona tyrise eya “Imehxo mase” katohme Tawi a.

2 Samueu 14:4

Morarame mokyro nohpo toytose ahtao Tawi esaka tosekumuru po typorohse ynororo Tuisa ẽpataka tõmyty nono pokoxi “Imehxo mase, tuisa,” katohme. Ynara tykase ynororo: — Kuakorehmako, ajohpãme samo, tuisa, tykase.

2 Samueu 18:28

Mame tooehse Aimaa ahtao tykohtase tuisa a: — Emero kure! tykase, tosekumuru po typorohse ynororo tõmyty po nono pokoxi tyrise eya. Mame ynara tykase ynororo tuisa a: — Kure Ritonõpo Oesẽ syritone, oepetõkara typoremãkapose eya exiryke, tykase Aimaa.

2 Samueu 9:6

Mame Mepiposete, Jonata mũkuhpyry, Sauu parỹpyry, tooehse tahtao typorohse ynororo tosekumuru po tõmyty nono pokoxi tyrise eya, Tawi ẽpataka “Imehxo mase,” katohme eya. — Mepiposete, tykase Tawi. — Ỹ, opoetoryme ase, tykase ynororo.

1 Koronika 21:21

Tuisa Tawi oepyry eneryke tyya toerohtoh poe toytose Arauna, tosekumuru po typorohse ynororo, tõmyty po nono pokoxi.

Jozue 15:18

Mame tyniotase Akasa ahtao Otonieu maro, “Nono ekaropoko omy a,” tykase ynororo eya. Akasa toytose Karepe a, mame tyhtose ynororo ahtao toky jumẽtu poe tõturupose jumy eya: — Oty se hma, ohpo?

Juize 1:14

Mame tyniotase Akasa ahtao Otonieu maro: “Nono ekaropoko omy a,” tykase ynororo eya. Akasa toytose Karepe a, mame tyhtose ahtao toky, jumẽtu poe jumy ynara tykase eya: — Oty se hma, orymo?

Ruti 2:10

Tosekumuru po typorohse Ruti tõmyty nono pokoxi, ynara tykase ynororo: — Oty katohme ypyno mahno, kure rokẽ mase ya katonõme rokẽ jahtao? tykase.

1 Samueu 20:41

Mame poeto toytose ahtao, Tawi tutũtase ropa tosae, topu tõ ae. Mame tope eahmaryme tosekumuru po typorohse ynororo Jonata ẽpataka. Mame typohse eya. Tyxitase roropa. Itamurumehxo tyxitase Tawi.

1 Samueu 24:8

Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.

1 Samueu 25:24

Tawi ẽpataka imyhtokoxi toehse tahtao ynara tykase ynororo eya: — Ajohpãme samo, oturuxi amaro. Ywy ro rokẽ tyyrypyhpyke ase.

1 Samueu 25:41

Mame morara kary etaryke tyya tosekumuru po typorohse Apikaiu, tõmyty nono pokoxi tyrise eya, ynara tykase ynororo: — Ywy ase Tawi namotome, aomipona se rokẽ ase. Ise tahtao ipoetory pupuru kurikãko ase, tykase ynororo.