19 Mame typoetory tõ taropose eya osemazuhme toto ytotohme jumẽtu tõ maro. — Okomino ytõko ase, tykase ynororo. Yrome tynio onurupyra nexiase morohne poko.
Mokaro tapiakase Jako a oximõme tyrise toto. Mame typoetory toiro tyrise eya oximõmãkõ eneneme. Ynara tykase ynororo typoetory tomo a: — Ytotoko osemazuhme, atakenaka, atamekehme sã ehtoko, tykase ynororo.
Oximomãkõ ĩkaponato komo a roropa, ynara tykase: — Ezau eneryhtao oya, morararo kaxiko eya, oxisamo.
Wenikehpyra ehtoko. Ynara kahtoko: “Opoetory Jako oehnõko okomino,” kahtoko eya. Ynara osenetupuhnõko Jako kynexine: “Urui kuremãko ropa ase ynekarory tõ ke, osemazuhme ynaropotyã ke. Tõseporyse jahtao imaro otarame azahkuru jehtopõpyry korokapõko mana.”
Moro sã toky tõ tonyohse Jako a osemazuhme, tõmehse ynororo moroto tosary po.
Akĩme pyra mana, tytapyĩ taõkõ onypynanohkehpyra mana.
Morarame ynara tykase Sauu mũkuru, Jonata, typyre puimane a: — Eropa pirixteu tõ soutatu tõ esaka, iporiry moino akoxi, tykase. Yrome tumy onurupyra nexiase ynororo toytory poko.
Mame aytoryhtao jumẽtu po ypy tõ rãnakuroko, Tawi tõ tonese eya ipoetory tõ maro. Oehnõko toh nexiase eya, mame tõsẽpatakãmase toto.
Mame tooehse ropa Apikaiu ahtao Napau a, atãkyemãko nexiase, otuhnõko, eukuru ẽnõko tuisa imehxo exikety samo. Mame toetỹse exiryke, oturupyra nohpo nexiase eya. Yrokokoro,