1 Samueu 24:8 - Ritonõpo Omiry: A Bíblia Sagrada na língua Aparai do Brasil

⁸ Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.

1 Samueu 24:8 ပူးပေါင်းရင်းမြစ်များ

Jenexi 17:3

Mame tosekumuru po typorohse Aparã Ritonõpo ẽpataka, tõmyty roropa tyrise nono pokoxi. Mame ynara tykase Ritonõpo eya:

1 Tuisa 1:31

Mame tosekumuru po typorohse Pate-Sepa, tuisa ẽpataka: — Tuisa Tawi, jũme isene oexiry se ase, tykase.

Exutu 20:12

— Kure omykõ tyritoko. Asakõ roropa kure tyritoko. Kure toto riryhtao oya xine okynã sã orihpopyra matose ynekarohpyry po ononorykõme.

Romanos 13:7

Naeroro kowenu nepehmapotyã oya xine epehmatoko. Kure rokẽ tyritoko roropa toto emero porehme.

1 Peturu 2:17

Kure imehnõ aomirotoko. Imehnõ Jezu poetory pyno ehtoko, ãkorõkõme aexirykõke. Ritonõpo zuno ehtoko. Oesarykõ esẽ roropa kure rokẽ tyritoko.

1 Samueu 20:41

Mame poeto toytose ahtao, Tawi tutũtase ropa tosae, topu tõ ae. Mame tope eahmaryme tosekumuru po typorohse ynororo Jonata ẽpataka. Mame typohse eya. Tyxitase roropa. Itamurumehxo tyxitase Tawi.

1 Samueu 24:7

Morara karyke Sauu towomase Tawi a. Onetapapopyra toehse ynororo typoetory tomo a. Mame toesyryhmase ropa Sauu. Orame ae tutũtase ropa ynororo toytotohme osema ae.

1 Samueu 24:9

Ynara tykase ynororo eya: — Oty katoh imehnõ omiry etãko mah? “Tawi oryhmary se mana,” kananõ etãko mah?

1 Samueu 26:17

Tawi omiry tonetupuhse Sauu a, ynara tykase ynororo: — Aimo, omoro mah umũkuru Tawi? tykase. — Ỹ, ywy ase! tykase Tawi Sauu a.

1 Samueu 28:14

— Onoky sã hnae ynororo, tykase, tõturupose. — Tamuhpomano, tupoke mosã ke, tũtãko mana, tykase nohpo. Mame Samueume aexiry tonetupuhse Sauu a. Tosekumuru po typorohse ynororo, tõmyty po nono pokoxi “Imehxo mase,” katohme Samueu a.