1 Samueu 24:22 - Ritonõpo Omiry: A Bíblia Sagrada na língua Aparai do Brasil

²² — Toto onetapara ase, ãko ase oya Ritonõpo netaryme, tykase Tawi. Mame Sauu toytose ropa tytapyĩ taka. Yrome Tawi tõ toytose tõtonẽtohkõ taka ropa.

1 Samueu 24:22 ပူးပေါင်းရင်းမြစ်များ

Jenexi 21:22

Morarame Apimereke toytose oturuse Aparão maro. Tymaro takorehmane Pikou tarose, soutatu tõ tuisary. Ynara tykase Apimereke Aparão a: — Ritonõpo amaro mana. Ãkorehmãko mana onyriry tõ poko emero.

Jenexi 21:23

Naeroro õmiry etapory se ase, Ritonõpo netaryme, yna onenekunohpyra oexiry poko te, umũkuru tõ roropa, ypakomotyã roropa. Zae rokẽ exiase amaro. Naeroro zae rokẽ exiko yna maro, sero nono põkõ maro, enara.

2 Samueu 21:7

Yrome tõmihpyry totapose exiryke Jonata a, imũkuru Mepiposete typynanohse Tawi a, Sauu parỹpyry.

João 2:24

Yrome Ritonõpo poe toexiry onekaropyra kynexine, emero ahno ajohpanory waro toexiryke.

1 Samueu 23:29

Morotoino Tawi toytose tõtonẽtoh pona tõsewomatoh pona, tuna enatyry Keti nonory pona.

1 Samueu 26:25

Mame ynara tykase Sauu Tawi a: — Kure oripory se ase, aimo. Mame onyriry emero kure rokẽ mã exĩko, orẽpyra exĩko mase roropa, tykase Sauu Tawi a. Mame Tawi toytose ropa; Sauu roropa toytose ropa tytapyĩ taka.