1 Samueu 23:9 - Ritonõpo Omiry: A Bíblia Sagrada na língua Aparai do Brasil

⁹ Mame tuaro Tawi toehse ahtao, tapoiry se Sauu ehtoh poko, tõturuse Apiataa maro. Ynara tykase ynororo eya: — Oupõ enehta, Ritonõpo maro oturutohme, tykase.

1 Samueu 23:9 ပူးပေါင်းရင်းမြစ်များ

1 Tuisa 2:26

Mame Apiataa, Ritonõpo maro oturukety a ynara tykase tuisa Saromão: — Ytoko ropa ononory pona, Anatote pona. Onyrihpyry epehpyryme oetapary zae exiry repe. Yrome oorihmapopyra ase aporo Ritonõpo omihpyry ẽ aroneme oehtopõpyryke. Papa maro awahtao metuarimase roropa imaro aetuarimaryhtao.

Jeremia 33:3

— Jeremia, ykohmaryhtao oya oezuhnõko ase, ourũko ase zuaro pyra oehtoh poko, kurãkõ poko, zuaro exipitopyra aehtyamo.

Ozeja 3:4

Moro sã tuhke ẽmepyry eraximãko Izyraeu tõ mana tuisa konõto maro pyra te, imepỹ tutuisake pyra roropa te, tynekarorykõ onyahkara exĩko mã toto, xikihme exiketõ topu risẽ Paau kyryry poko pyra exĩko mã toto, tyneponãmarykõ poko pyra exĩko roropa mã toto tytapyĩkõ tao.

Numeru 27:21

Oturukety Ereaza omiry etãko mana ise jehtoh waro ehtohme. Ereaza ise jehtoh waro exĩko mana Urim eneryke eya Tumim maro. Moro ke Jozue amorepãko mana Izyraeu tõ maro ise jehtoh ritohme eya xine emero.

Atos 14:6

Yrome Pauru tõ tuaro kynexine. Toepase toto Rixityra pona, Terepe pona roropa Rikaonia põ pona.

Atos 9:24

Yrome Sauru tuaro. Totapary se exiketõ poko tuaro ynororo kynexine. Osema apuru pũto eraximãko toh kynexine, kokoro rokene, koko, saereme, enara, Sauru tũtary eraximãko, apoitohme tyya xine repe.

1 Samueu 10:22

Morarame tõturupose Ritonõpo a toto. — Mokyro tooehse nae? tykase. — Ỹ tooehse repe, tõtonẽse ynororo mõkomo tõkehko maro, tykase Ritonõpo eya xine.

1 Samueu 14:18

Mame ynara tykase Sauu Aia a, Ritonõpo maro oturukety a: — Ritonõpo omihpyry ẽ enehta xiaro, tykase Sauu. Morara tykase ynororo, tymaro xine Ritonõpo omihpyry ẽ tarose exiryke eya xine Izyraeu tõ esemazupurume.

1 Samueu 22:20

Yrome Apiataa, Aimereke mũkuru, toepase, Tawi maro toehtohme.

1 Samueu 23:10

Tõturupose Ritonõpo a ynororo. Ynara tykase: — Ritonõpo, Izyraeu tõ Esemy, imehnõ otururu etãko ywy Sauu poko. Oehnõko mana xiaro Keira pona, ãko toto, sẽ pata enahkase ypokoino, taro jexiryke. Naeroro otara exĩko ah? tykase Tawi.

1 Samueu 23:6

Mokyro Apiataa, Aimereke mũkuru toepase ahtao Sauu winoino, Tawi a, Keira pona, Ritonõpo maro oturukety zupõ tonehse tymaro.

1 Samueu 23:8

Naeroro typoetory tõ soutatu tõ tykohmase Sauu a, toto ytotohme Keira pona, pata zomyehmatohme, Tawi tõ apurutohme.

1 Samueu 30:7

Mame ynara tykase Tawi Apiataa, Aimereke mũkuru a: — Oupõ enehta õturupotohme Ritonõpo a, tykase. Ritonõpo maro oturutoh poko erohketyme nexiase. Mame tupõ tonehse eya ahtao,