1 Samueu 23:3 - Ritonõpo Omiry: A Bíblia Sagrada na língua Aparai do Brasil

³ Yrome ynara tykase Tawi marõkõ eya: — Taro Juta nonory po enaromỹke sytatose. Sero motye popyrahxo exĩko Keira pona kytorykohtao pirixteu tõ maro osetapase, tykase toto.

1 Samueu 23:3 ပူးပေါင်းရင်းမြစ်များ

Saumu 11:1

Ritonõpo Kuesẽkõ maro towomase ywy. Tuaro pyra exikety sã mase ynara karyhtao ya: “Epako torõ samo ypy tõ pona,

Jeremia 12:5

Ynara tykase Ritonõpo: — Jeremia, tapotũkehse awahtao tururume oytory poko orutua kõ motyẽkary poko, otara exĩko mah tururume oytoryhtao kawaru tõ maro? Tupime oya ahtao owomyry jarao osetapara ahtao, otara tyrĩko mah apotũkehpyra oehtohme itu htao tuna Joatão ehpio?

1 Samueu 23:15

Enaromỹke Tawi nexiase zuaro toehse toexiryke Sauu oepyry poko toetapatoh poko. Horesa pona toytose ynororo, moroto ehse ona po, pata Zipe pũto.

1 Samueu 23:2

Naeroro tõturupose ynororo Ritonõpo a. Ynara tykase: — Ytõko ha pirixteu tõ poremãkapose? tykase. — Ytoko, tykase Ritonõpo eya, pirixteu tõ maro atatapoita Keira põkõ ipynanohta, tykase Ritonõpo.

1 Samueu 23:23

Tawi otonẽtoh poko roropa atamorepatoko. Mame zuaro toehse awahtao xine eramatoko ropa xiaro, jurutohme ipoko, zuaro jehtohme. Morara ahtao amaro xine ytõko ase; moroto ynororo ahtao, apoĩko ase Juta nonory poro porehme zupiry se jahtao ro, tykase Sauu.

1 Samueu 23:26

Ypy mõpoe Sauu tõ ytõko nexiase, imõ poe Tawi ytõko nexiase axiny typoetory tõ maro. Epãko toh nexiase Sauu kurũke. Mame Tawi tõ apurupõko Sauu tõ nexiase repe. Tawi apoisasaka Sauu tõ ahtao,

1 Samueu 23:4

Naeroro tõturupose ropa Tawi Ritonõpo a. Mame tozuhse ropa ynororo: — Ytoko morotona, Keira pona. Ãkorehmãko ase pirixteu tõ poremãkatohme oya, tykase Ritonõpo Tawi a.