1 Samueu 22:15 - Ritonõpo Omiry: A Bíblia Sagrada na língua Aparai do Brasil

¹⁵ Toipe ywy oturũko ase Ritonõpo maro imehnõ poko zae ehtoh waro toto ehtohme. Jyhxiropyra exiko, ajohpãme samo, wekyry tõ roropa onyhxiropyra exiko, sero poko zuaro pyra jexiryke ipunaka, tykase Aimereke.

1 Samueu 22:15 ပူးပေါင်းရင်းမြစ်များ

2 Samueu 15:11

200me orutua kõ toytose toto Jerusarẽ poe Apisarão maro. Toahmase toexirykõke toytose toto imaro, yrome tuaro pyra toh nexiase inyriry poko.

2 Samueu 19:18

Mame tuna Joatão takuohse eya xine Tawi tõ maro akuohtohme ropa, akorehmatohme akuotyry poko, ipenetatoh ritohme roropa tyya xine. Morarame Joatão takuohse Ximei ahtao tosekumuru po typorohse ynororo Tawi ẽpataka.

2 Samueu 19:19

Ynara tykase eya: — Tuisa, azahkuru exiase popyra oriry poko tooehse awahtao Jerusarẽ poe. Yyrypyry ikorokako ajohpame samo. Owenikehko ynyrihpyry poko, moro poko osenetupuhpyra ropa oehtohme.

2 Samueu 5:19

Naeroro tõturupose Tawi Ritonõpo a, ynara tykase: — Ytõko ha osetapase pirixteu tõ maro? Toto poremãkapõko mah? tykase. — Ytoko! tykase Ritonõpo. — Mokaro ekarõko ase oya, toto poremãkapõko roropa matose, tykase.

2 Samueu 5:23

Tõturupose ropa Tawi Ritonõpo a, mame ynara tozuhse ynororo Ritonõpo a: — Osetapara ehtoko taroino. Mya ytotoko mokaro zomye, wewe amoreira tõ htaka. Mame moino wewe etonie osetapatoko.

2 Korĩtiu 1:12

Tãkye ynanase zuaro yna exiryke zae yna ehtoh poko sero nono po. Amaro xine zae kuhse yna ehtopõpyry poko tãkye ynanase roropa. Topohme yna otururu nexiase amaro xine, zae se yna exiryke amaro xine. Ritonõpo jamitunuru poe morara ynanexiase, kypyno xine Ritonõpo exiryke, yna tuarõnory ke pyra.

1 Samueu 22:16

Yrome Sauu ynara tykase: — Aimereke, orihnõko matose, omoro, oekyry tõ maro emero, tykase.

1 Samueu 25:36

Mame tooehse ropa Apikaiu ahtao Napau a, atãkyemãko nexiase, otuhnõko, eukuru ẽnõko tuisa imehxo exikety samo. Mame toetỹse exiryke, oturupyra nohpo nexiase eya. Yrokokoro,