1 Samueu 20:42 - Ritonõpo Omiry: A Bíblia Sagrada na língua Aparai do Brasil

⁴² Mame ynara tykase Jonata Tawi a: — Ritonõpo amaro se ase! Ytoko, osepeme exikehpyra sytase, kuomihpyry ae ro, Ritonõpo netaryme. Ynara ãko sytase “Ritonõpo kuenẽko mana omoro, ywy, enara. Kypoenõkõ enẽko roropa mana opoenõ maro, ypoenomo, enara, jũme,” ãko sytase. Mame toytose ropa Tawi. Morarame pata pona Jonata toeramase ropa.

1 Samueu 20:42 ပူးပေါင်းရင်းမြစ်များ

2 Samueu 9:1

Mame tõturupose Tawi, ynara tykase ynororo: — Sauu ekyrỹpyry nae ro, kure tyritohme, Jonata pokoino?

Numeru 6:26

Nupunato oeneporykõ se ase Ritonõpo a, opyno xine aehtohme, osepeme oehtohkõme imehnõ maro, emero.”

Ruka 7:50

Mame ynara tykase Jezu nohpo a: — Tonetupuhse oya jexiryke typynanohse mase. Ytoko ropa. Torẽtyke pyra exiko, tykase Jezu eya.

Atos 16:36

Mame ynara tykase ãpuruhpyry erase Pauru a: — Terekatu otũtanohpotorỹko ropa mana, soutatu tomo a. Naeroro otũtatoko ropa. Enaromyra ehtoko, tykase ynororo eya xine repe.

1 Samueu 1:17

Mame morara kary etaryke tyya, ynara tykase Eri: — Ỹ, ytoko ropa. Torẽtyke pyra exiko. Onekaropohpyry ekarõko Ritonõpo mana Izyraeu Esẽ oya, tykase.

1 Samueu 20:15

ypoenõ pyno exikehpyra exiko, ypakõ roropa. Toto maro kure rokẽ exiko. Mame kuepetõkara tonahkase ahtao Ritonõpo a

1 Samueu 20:16

kuomihpyry omipona ro sehne. Õmihpyry omipona pyra awahtao Ritonõpo awãnohnõko mana, tykase Jonata.

1 Samueu 23:18

Mame moroto Ritonõpo neneryme jũme osepeme toehtohkõme tõsekarose toto. Mame Tawi moroto rokẽ nexiase, Horesa po. Yrome Jonata toytose ropa tytapyĩ taka.

1 Samueu 25:35

Mame nohpo nekarohpyry tapoise Tawi a. Ynara tykase ynororo eya: — Kure rokẽ ytoko ropa atapyĩ taka. Torẽtyke pyra exiko õmiry totase ya exiryke, tykase Tawi.