1 Samueu 20:41 - Ritonõpo Omiry: A Bíblia Sagrada na língua Aparai do Brasil

⁴¹ Mame poeto toytose ahtao, Tawi tutũtase ropa tosae, topu tõ ae. Mame tope eahmaryme tosekumuru po typorohse ynororo Jonata ẽpataka. Mame typohse eya. Tyxitase roropa. Itamurumehxo tyxitase Tawi.

1 Samueu 20:41 ပူးပေါင်းရင်းမြစ်များ

Jenexi 29:11

Imeĩpo Rakeu typohse eya. Tyxitapitose ynororo tãkye toexiryke.

Jenexi 29:13

Mame typatũ poko zuaro toehse Rapão ahtao, toytose ynororo tururume. Jako eneryhtao toahmase ynororo eya. Typohse eya roropa. Mame tarose ynororo tytapyĩ taka. Mame tory turuse Jako a emero toehtopõpyry poko.

Jenexi 33:4

Yrome tururume toytose Ezau oseporyse Jako maro. Atapory ae tãtapoise toto tõseahmatohkõme. Takorõ typohse roropa eya. Tyxitase toto asakoro ro.

Jenexi 42:6

Kowenatume Joze exiryke Ejitu po, tonahsã ekamoneme kynexine ynororo imeimehnomo a, tooehse toto ahtao imehnõ nonory poe. Toeporehkase Joze rui tõ ahtao tosekumurukõ po typorohse toto Joze ẽpataka, tõmytykõ nono pokoxi tyrise roropa eya xine.

Jenexi 43:28

— Ỹ, opoetory, yna zumy, papa isene ro mana. Kure ro mana.

Jenexi 45:15

Mame ixitaryhtao ro turui tõ toahmase Joze a, typohse roropa toto eya atakenaka. Moromeĩpo tõturupitose toto imaro.

2 Samueu 1:2

Mame yrokokoro orutua tooehse Sauu tõ esahpyry poe. Toemynyhmary enetupuhpotohme tupõ tyxihkase eya, nono tyrise tupuhpyry pona roropa eya. Toytose ynororo Tawi a. Mame tosekumuru po typorohse ynororo Tawi ẽpataka. Tõmyty nono pona tyrise eya “Imehxo mase” katohme Tawi a.

2 Samueu 1:26

Emynyhmãko ase opoko, Jonata urui; opyno ipunaka exiase! Ypyno oehtoh kure nexiase, ypyno nohpo tõ ehtoh motye.

2 Samueu 14:4

Morarame mokyro nohpo toytose ahtao Tawi esaka tosekumuru po typorohse ynororo Tuisa ẽpataka tõmyty nono pokoxi “Imehxo mase, tuisa,” katohme. Ynara tykase ynororo: — Kuakorehmako, ajohpãme samo, tuisa, tykase.

2 Samueu 19:39

Morarame tuna Joatão takuohse imoihmãkomo a, tuisa Tawi a roropa. Mame Paazirai typohse tuisa a: “Ritonõpo amaro exikehpyra,” tykase ynororo eya. Mame tytapyĩ taka toytose ropa Paazirai.

2 Samueu 9:6

Mame Mepiposete, Jonata mũkuhpyry, Sauu parỹpyry, tooehse tahtao typorohse ynororo tosekumuru po tõmyty nono pokoxi tyrise eya, Tawi ẽpataka “Imehxo mase,” katohme eya. — Mepiposete, tykase Tawi. — Ỹ, opoetoryme ase, tykase ynororo.

1 Tuisa 1:16

Mame tosekumurukõ po typorohse Pate-Sepa tuisa ẽpataka “Imehxo mase,” katohme eya. Tõturupose tuisa a eya. — Oty se hma? tykase.

1 Tuisa 1:23

Tuisa turuse eya xine urutõ Natã tooehse exiry poko. Mame tomõse tahtao tosekumurukõ po typorohse ynororo tuisa ẽpataka “Imehxo mase” katohme.

1 Tuisa 1:31

Mame tosekumuru po typorohse Pate-Sepa, tuisa ẽpataka: — Tuisa Tawi, jũme isene oexiry se ase, tykase.

Atos 20:37

Morarame tyxitase toto itamurume. Ipymyry ae tapoise ihnamotohme eya xine aytoryke ropa.

1 Samueu 10:1

Mame oriu tarose Samueu a tymaro, Sauu zuhsuhmatohme. Tuhsuhmase eya ahtao typohse ynororo eya. Ynara tykase: — Serara yrino tuaro oehtohme. Omoro tymenekase Ritonõpo a typoetory tõ tuisaryme oehtohme, Izyraeu tõ esẽme, tykase. Tuisame erohnõko mase toto akorehmary poko. Toto pynanohnõko roropa mase toto epetõkara wino. Ynara tyrĩko Ritonõpo mana enetupuhpotohme oya omoro tymenekase Ritonõpo a typoetory tõ tuisaryme oehtohme:

1 Samueu 18:3

Mame tõmihpyry totapose Jonata a Tawi a, jũme onytyoromara toehtohme, ipyno toexiryke, osepyno toehtoh samo.

1 Samueu 20:40

Mame typyre tokarose Jonata a, poeto a, arotohme ropa pata pona.

1 Samueu 24:9

Ynara tykase ynororo eya: — Oty katoh imehnõ omiry etãko mah? “Tawi oryhmary se mana,” kananõ etãko mah?

1 Samueu 25:23

Mame axĩ tyhtose Apikaiu jumẽtu poe Tawi tonese ahtao tyya. Tosekumuru po typorohse ynororo nono pona, tõmyty tyrise nono pokoxi.