1 Samueu 2:7 - Ritonõpo Omiry: A Bíblia Sagrada na língua Aparai do Brasil

⁷ Imehnomo a etuarimatoh enehpõko Kuesẽkõ mana, yrome imehnõ tymõkomoke tyrĩko mana. Imehnõ tuisame pyra tyrĩko mana. Imehnõ tuisame tyrĩko roropa mana.

1 Samueu 2:7 ပူးပေါင်းရင်းမြစ်များ

2 Tuisa 9:6

Naeroro toytose mokaro asakoro ro imepỹ osa taka. Mame moro tao oriu tukuãse eya Jeu zupuhpyry pona. Ynara tykase ynororo eya: — Ritonõpo, Izyraeu tõ Esemy ynara ãko: “Omoro tymenekase ya ypoetory tõ, Izyraeu tõ esẽme oehtohme.

1 Koronika 29:12

Tineru te, uuru te, mõkomo emero owino exĩko. Senohne emero õmiry omipona tyripõko mase ajamitunuru ke te, orẽpyra oexiryke. Imepỹ riry se awahtao tuisame te, jamihme roropa, tyrĩko mase rahkene.

2 Koronika 32:27

Mame tymõkomoke toehse Ezekia itamurume. Tuisamehxo tokarose ynororo eya xine emero. Osa tõ tyripose eya tymõkomory kurãkatohme: uuru te, parata maro, joia tomo te, tonahsẽ emepory kanera tõkehko te, osewomatoh tonomo, imepỹ mõkomo kurã esaryme, enara.

2 Koronika 32:29

Pata tõ roropa tyrise eya. Pui tõ tuhke esẽme toehse ynororo, kaneru tõ tuhke roropa Ritonõpo nekarohpyryme eya, mõkomo maro itamurume.

Jo 1:21

Mame ynara tykase ynororo: — Tupoke pyra tonuruse ywy, tymõkomoke pyra roropa. Morararo tymõkomoke pyra orihnõko ase. Ritonõpo a morohne tokarose ya. Eya tapoise ropa ahtao, kure rokẽ Ritonõpo mana, tykase Jo.

Jo 40:12

Ajohpe pyra, epyrypaketõ eneko toto poremãkatohme, popyra exiketõ enahkatohme esarykõ po.

Jo 5:11

Osenetaonohpyra exiketõ anỹnõko mana tuisamehxo toto ehtohme. Xitaketõ anỹnõko mana osa towomase exikety pona.

Saumu 75:7

Ritonõpo kuapiakatorỹko mana; ynoro rokẽ zae pyra exiketõ apiakãko mana, imehnõ iirypyryme pyra ekarõko mana.

Saumu 75:8

Kasana nae Ritonõpo Kuesẽkõ emahpo eukuru jehnahpyry ke pehme, zehno ehtoh ke. Moro ekamõko mana, popyra exiketõ okurume, ẽnõko mã toto emero porehme eukuru enahtoh pona.

Porowepio 22:2

Tymõkomoke exiketõ oxisã mã toto tymõkomokãkara maro, asakoro ro tyrise Ritonõpo a exiryke.

Izaja 2:12

Moro ẽmepyry toehse ahtao tuisamãkõ emero poremãkapõko Kuesẽkõ Jamihmehxo Exikety mana, epyrypaketõ poremãkapõko mana, imehnõ motye tuisamehxo toexirykõ se exiketõ maro.

Jeremia 49:15

Etõ tomo, jamihme pyra ononorykõ põkõ rĩko Ritonõpo mana. Ouno xine pyra exĩko imehnõ mana, emero.

Ezekieu 17:24

Mame wewe tõ emero nono po zuaro exĩko mã kehko, ywy ase Ritonõpo. Wewe kaetokohxo exiketõ akohnõko ase, zumo pyra exiketõ ahtanohpõko ase. Wewe tõ isene ro exiketõ anorymapõko ase, tonore aexityã ahtanohpõko ropa ase. — Ywy, Ritonõpo, oturuase. Emero tyrĩko ase jomihpyry ae ro.”

Tiaku 4:10

“Papa, ywy ase popyra rokene, õmipona exisaromepyra ase,” karyhtao kyya xine Ritonõpo a, tyrisenã sã kyritorỹko Ritonõpo mana, kueanokõ jamihtanohnõko roropa mana. Kuakorehmatorỹko roropa mana, tõmipona kuehtohkõme.