1 Samueu 2:6 - Ritonõpo Omiry: A Bíblia Sagrada na língua Aparai do Brasil

⁶ Ritonõpo Kuesẽkõ aorihmapõko mana, isene imehnõ rĩko mana. Imehnõ poremãkapõko aorihtoh pona, yrome imehnõ ẽsemãkapõko ropa mana.

1 Samueu 2:6 ပူးပေါင်းရင်းမြစ်များ

1 Tuisa 17:22

Mame otato Ritonõpo kynexine Eria otururu etãko. Morara exiryke poeto tõseremapitose ropa, isene toehse ropa.

2 Tuisa 5:7

Mame moro pape tysekeremase ahtao Izyraeu tõ tuisary a tõserehse kynexine. Tupõ tyxihkase eya. Ynara tykase ynororo: — Onokyme jekarõko Xiria põkõ tuisary nae? Ritonõpo kara ase. Aorihtyã ẽsemãkapory waro pyra ase. Ipũ imotatyã kurãkary waro pyra roropa ase ipunaka. Otarame etonary se toexiryke morara ãko mana, tykase.

Jo 5:18

Apurõko Ritonõpo mana, yrome epinohnõko roropa mana. Iiryhmãko mana, yrome tomary ke ro ikurãkãko ropa mana.

Saumu 116:3

Jorihmapotoh jomye nexiase ameke pyra. Tapuruse exiase jerehtoh ke jorikyry zuno jexiryke, enaromỹke exiase torẽtyke roropa ipunaka.

Saumu 30:4

Eremiatoko Ritonõpo Kuesẽkõ eahmaryme, emero aomiry omipona exiketomo! Wenikehpyra ehtoko Ritonõpo Kurã nyrityã poko, “Kure mase,” kahtoko eya.

Saumu 68:20

Kuesẽkõ Kypynanohnekõme mana; Ritonõpome mana Kuesẽkomo, kypynanohtorỹko mana oorihpyra kuehtohkõme.

Saumu 71:20

Popyra ehtoh tonehpose oya ya, jetuarimatoh roropa, yrome yjamitunuru ekarõko ropa mase ya, janỹnõko mase orihpyra jehtohme.

Ekereziaxti 3:3

Etapatoh nae mana te, ikurãkatoh nae roropa mana. Akohtoh nae mana te, tyritoh nae roropa mana.

Izaja 26:19

Izyraeu tõ aorihtyã ẽsemãnõko ropa mã toto; ekepyrykõ owõnõko ropa mã toto. Nono ao aorihtyã ekepyry tõ pakãko roropa, atãkyemãko mã toto, eremiãko roropa mã toto. Axitaku onenehpohpyry otyro ehxikãko, ahtanohpõko roropa mana. Moro sã aorihtyã ẽsemãkapõko ropa mase, Ritonõpo, nono ae itũtatohkõme ropa.

Ezekieu 37:12

Naeroro oturuko ypoetory Izyraeu tomo a. Ynara kaxiko eya xine, ywy, Ritonõpo Oesẽkõ, aorihtyã ekepyry zonẽtopõpyry tõ etapuruhmakãko ropa ase. Mame toto oũko ropa ase jarãnaka, toto arotohme ropa Izyraeu tõ nonory pona.

Ezekieu 37:3

Mame ynara tykase Ritonõpo ya: — Ahno mũkuru, morohne zehpo tõ ẽsemãnõko ropa hnae? Ynara tozuhse ya: — Ritonõpo Jesemy, omoro rokẽ zuaro mase zehpo ẽsemamyry ropa poko.

Mateu 12:40

Mame kanaimo a tonahse ynororo. Oseruao tõmehse ynororo zuakuru ao. Mokyro ehtopõpyry sã mã Kapu ae Ayhtohpyry. Oseruao ẽmehnõko mana, aorihtyã esao.

João 11:25

Ynara tykase Jezu eya: — Ywy ase ẽsemãkaponeme ropa. Ypoe rokẽ orihpỹme exĩko matose. Jenetuputyryhtao toorihse awahtao xine ro ẽsemãnõko ropa matose.

Teuteronomiu 32:39

“Tuaro ehtoko: Ywy rokẽ ase, Ritonõpo; imepỹ ritõ pyra mana ysamo. Etapãko ase, aorihtyã ẽsemãkapõko roropa ase; apurõko ase, ikurãkãko ropa ase. Tyriry se jehtoh onytyoromasaromepyra imehnõ mana.

Apokaripxi 1:18

Orihpỹme exiketyme ase. Jorikyase repe. Yrome eneko ke, orihpỹme ase jũme. Orihtoh esẽme ase, aorihtyã esẽme roropa.

1 Samueu 20:3

Yrome Tawi a tozuhse: — Omy tuaro mana osepeme kuexiry poko. Naeroro ynara ãko mã tyya rokene: “Umũkuru Jonata sero poko zuaro ehsaromepyra mana aemynyhmaryino,” ãko mã ynororo. Naeroro ynara kary se ase oya, Ritonõpo isene exikety zuaro, ameke pyra jorikyry mana, tykase Tawi.