1 Samueu 2:4 - Ritonõpo Omiry: A Bíblia Sagrada na língua Aparai do Brasil

⁴ Soutatu tõ pyre tahkãko mana. Yrome imehnõ aepukatyã jamihtanohnõko ropa mana.

1 Samueu 2:4 ပူးပေါင်းရင်းမြစ်များ

Saumu 18:39

Yjamitunuru ekarõko mase ya etonatohme, mokaro jetapary se exiketõ poremãkapõko roropa mase ya.

Saumu 37:15

Yrome mokaro popyra exiketõ totapasẽme exĩko mã toto tytapemãkõ ke, itakykõ tytahkasẽme exĩko roropa mã kehko.

Saumu 37:17

Ynara exiryke mokaro zae pyra exiketõ jamitunuru enahnõko mana, yrome zae ehtoh poko exiketõ ewomãko Kuesẽkõ mana.

Saumu 46:10

“Osetapakehtoko,” ãko ynororo. “Zuaro ehtoko ypoko, ywy ase Ritonõpo. Sero nono põkõ tuisaryme ase. Sero nono esẽme ase, porehme.”

Saumu 46:9

Osetapatoh konõto mynyhpãkãko mana sero nono po porehme; taky tõ tahkãko mana, warata tõ roropa, osewomatoh tonõ zahkãko mana.

Saumu 76:3

Moroto tyzehno exiketõ pyre tytahtahkase eya; toto osewomatoh tonomo, tapema tõkehko, ipyrekõ emero tonahkase eya.

Izaja 10:4

Tarosẽme exĩko matose imehnõ namotome. Totapasẽme exĩko roropa matose etonatoh tao. Morara ahtao ro zehno Ritonõpo ehtoh enahpyra mana. Emary tanỹse ro mana awãnohtohkõme.

Izaja 40:29

Totaehse exiketõ jamihtanohpõko ropa mana, tyjamihkehse exiketomo a tyjamitunuru ekarõko mana.

Jeremia 37:10

Mokaro Papironia soutatu tõ typoremãkase ahtao oya xine, etonaketomo, tapurose exiketõ rokẽ tõxinamase ahtao, tohrame tynyhtohkõ tao toto ahtao, ekurehpyra exĩko, owõnõko ropa mã toto sero pata zahkatohme.

Jeremia 51:56

Toehse mã toto Papironia enahkase; isoutatu tõ tapoise mã toto, taky tõ tytahkase mã kehko. Ywy ase Ritonõpo, popyra exiketõ wãnohne, Papironia põkõ epehmãko ase inyrityã emetakame.

2 Korĩtiu 12:9

Yrome ynara nase jezukuase: “Okurãkara ase. Yrome opyno ro ase. Amaro exikehpyra ase roropa. Kure jehtoh ekarõko ase oya, yjamitunuru roropa. Tyoro se pyra exĩko mase. Jamihme pyra awahtao jamihme pyra oehtoh motye yjamitunuru ekarõko ase oya,” nase ya. Naeroro jamihme pyra jahtao ro tãkye ase. Epyrypãko ase jamihme pyra jehtoh poko, Kyrixtu a jewomary enery se jexiryke tyjamitunuru ke.

Epezu 6:14

Moro eraximaryke oya xine zae rokẽ oturutoko. Zae õtururukohtao tymetỹ eary mykyhpõ soutatu sã matose. Kure rokẽ imehnõ tyritoko roropa. Morara awahtao xine soutatu a tupuropuru apururu sã matose.

Piripo 4:13

Kokoro rokẽ tyjamitunuru ekarõko Kyrixtu ya. Naeroro emero rokẽ jetuarimaryhtao poremãpyra ase, yjamihtanopyryke Kyrixtu a, tyjamitunuru ke.

Epereu 11:32

Ritonõpo enetupuhnanõ nae ro tuhke. Yrome okynã jexiry toto poko oururukohtao emero, Kiteão poko te, Parake te, Sãsão te, Jepete te, Tawi te, Samueu te, imehnõ urutõ kõ roropa.

Epereu 11:34

Apotoimo tozehkapose eya xine te, tõsepynanohse roropa toto zehnotokõ toto wory se ahtao. Jamihme pyra toh kynexine repe, yrome jamihme toehse toto. Orẽpyra toehse toto zehnotokõ soutatu maro toto osetaparyhtao. Mokaro soutatu tõ typoremãkapose eya xine.