1 Samueu 2:12 - Ritonõpo Omiry: A Bíblia Sagrada na língua Aparai do Brasil

¹² Eri poenõ asakoro natokomo popyra toh nexiase, Ritonõpo omiry onymoipyra toh kynexine.

1 Samueu 2:12 ပူးပေါင်းရင်းမြစ်များ

1 Tuisa 21:10

Mame ajoajohpãkõ asakoro tyritoko mokyro ẽpataka ihxirotohme: Popyra Ritonõpo esety tyripose mose a, popyra tuisa tyripose roropa eya, katohme. Mame mokyro arotoko pata poe, etapatohme topu ke.”

1 Tuisa 21:13

Mame ajohpãkõ asakoro imoihmãkõ ẽpataka tooehse. Napote tyhxirose eya xine. “Popyra Ritonõpo esety tyripose mose a, popyra tuisa tyripose roropa eya,” tykase toto ihxiroryme. Mame tarose ynororo jarãnaka pata poe. Topu ke totapase ynororo eya xine.

Jeremia 2:8

Ypoko oturupopyra oturuketõ nexiase: ‘Otoko Kuesẽkõ nae?’ kara toh nexiase. Ynyripohpyry poko atamorepaketõ juaro toexirykõ se pyra toh nexiase. Kowenu poko erohketõ tyyrypyrykõ poko rokẽ toh nexiase, jomipona pyra. Urutõ kõ tõturuse toto ritõ Paau omi poe samo, tyneponãmarykõ toahmase eya xine, isene pyra aexityamo, ahno anakorehmasaromepyra exiketomo.”

Jeremia 22:16

Zae rokẽ nexiase tymõkomokãkara poko, etuarimaketõ poko roropa, naeroro emero kure toehse eya. Moro riryhtao ahno a enetupuhnõko mase, juaro mokyro mana. Ywy, Ritonõpo, oturũko ase.

Jeremia 9:3

Tahxime ajohpe oturũko mã toto imehnomo a. Ajohpe rokẽ mã toto sero nono po, zae ehtoh poko pyra mã toto. Ynara ãko Kuesẽkõ mana: “Ypoetory tõ popyra ehtoh poko exikehpyra mã toto, Ritonõpome jenetupuhpyra mã toto.”

Jeremia 9:6

Imehnõ ryhmãko mã toto, mame iiryhmazomõko ropa mã toto, enekunohnõko, mame enekunohnõko ropa mã toto. “Yse pyra ypoetory tõ mã toto Tosẽkõme,” ãko Ritonõpo mana.

Ezekieu 22:26

Ymaro oturuketõ jomiry omipona pyra mã toto. Tomeseke pyra mã toto ykyryry kurã poko toto ahtao. Ykyryry kurã oxisã mã kehko emero rokẽ kyryry maro eya xine. Imehnõ anamorepara mã toto ykyryry tõ kurã poko te, nuriame aexityã poko roropa. Oserematoh ae kure jyripyra mã toto. Naeroro Izyraeu tõ jomiry etary se pyra mã toto.

João 16:3

Oryhmatorỹko mã toto Ritonõpo waro pyra toexirykõke, juaro pyra roropa toexirykõke.

João 17:3

Ynara ahtao orihpyra exĩko toto, Ritonõpome nymyry oenetuputyryhtao toto a, onenehpohpyryme jenetuputyryhtao roropa eya xine.

João 8:55

Yrome mokyro waro pyra matose, onenetupuhpitopyra oexirykõke. Yrome zuaro ase. “Ritonõpo waro pyra ase,” karyhtao ya, ajohpe rokẽ jexiry mana, asã xine. Yrome ywy zuaro. Aomipona roropa ase.

Romanos 1:21

Ritonõpo waro toh kynexine repe. Yrome kure Kyrihpõkõ onyripyra mã toto. “Kure mase, Ritonõpo,” kara roropa toh kynexine. Naeroro aosenetupuhtohkõ toiparo rokẽ toehse roropa mana. Tuaro pyra toehse ropa toto ipunaka.

2 Korĩtiu 6:15

Kyrixtu poetory oxisã pyra mã toto joroko tamuru omipona exiketõ maro. Jezu enetupuhnanõ oxisã pyra mã toto onenetupuhpynõ maro.

Teuteronomiu 13:13

“Imepỹ pata po, popyra exiketõ moro põkõ arõko mã toto tyneponãmarykõ eahmatohme.” Moro panõ oneahmapitopyra matose.

Teuteronomiu 13:14

Mame moro enetoko tomeseke samo zuaro oehtohkõme. Zuaro nymyry awahtao xine, ajohpe pyra iirypyryme toh toehse Izyraeu tõ rãnao,

Juize 19:22

Mame aotururuhtao, atãkyemaryhtao, imehnõ orutua kõ, moro pata põkõ, popyra exiketõ tooehse. Tapyi tapurupose eya xine. Omõtoh totatotapase eya xine. Ynara tykase toto tamuhpomano a: — Mokyro orutua, atapyĩ tao exikety enehko jarãnaka. Enery se ynanase, tykase toto.

Juize 2:10

Morarame mokaro emero Jozue maro isene exiketõ toorihse, mame ipoenomotyã tuenikehse Ritonõpo poko, Izyraeu tõ akorehmatopõpyry poko roropa eya.

1 Samueu 10:27

Yrome imehnõ ajoajohpãkomo ynara tykase: — Otarame mose kuewomatorỹko nase, nary rokene, tykase toto. Sauu typoihtose eya xine. Tynekarorykõ onekaropyra roropa eya toh nexiase.

1 Samueu 25:17

Seromaroro osenetupuhko ikurãkatohme ropa. Osenahkãko rokẽ sytatose emero Napau pokoino. Ajoajohpe exiryke imaro imehnõ oturusaromepyra mã toto, tykase ipoetory.

1 Samueu 3:13

— Jũme awãnohtorỹko ase oekyry tõ maro, ase eya iirypyryme imũkuru tõ toehse exiryke. Toto zehno jehtoh waro Eri nexiase repe. Yrome: “Epo hnae, oorypyrykõ poko pyra ehtoko,” kara tokurehse Eri.

1 Samueu 3:7

Yrome Ritonõpo omiry onenetupuhpyra Samueu nexiase imaro oturupitopyra Ritonõpo exiryke. Morara exiryke tuaro pyra nexiase Ritonõpo omiry poko.